Waynau kamuun dun, Yewah Puchurynau Kakuwapainhau sakadinhan século 19 tukun diꞌik. Yryy dun, maskaydaꞌyꞌu tuminpeinhau Tuminkery Paradan daꞌy maxaapainhau maunap Pittsburgh, Pensilvânia, Estados Unidos ii, insakadan padurutpan naꞌap mixiꞌu Tuminkery Paradan Karichianaa kawan at. Insakadan paawynyytan naꞌapam chuuchinhau tuminhap kidian, ydaynaꞌan in awynyytan Tuminkery Paradan Karichianaa idiaꞌa mixiꞌu man naꞌapan intuminhap kidian. Insakadan naa pasadan patuminhapnii kid daꞌy, karichi kid, jornais naꞌik karichi dakutkau Awynyytpaꞌu Kuwadpan Yewah Naubunaitinpen daꞌy.

 Maskaydaꞌyꞌu tuminpeinhau Tuminkery Paradan daꞌy kainhaꞌu daꞌi Charles Taze Russell baukup intym. Yryy dun, Russell kazuwaytapnii kakuwapkary mixiꞌu Tuminkery Paradan Karichianaa daꞌy naꞌik kiwiichipaꞌu ysakadan karichi Awynyytpaꞌu, mazan ypyꞌy zii aunaa ysakadan painhaꞌu chuuchi. Russel naꞌik in minhaydaꞌynau, indakutapkau yryy dun tuminpeinhau Tuminkery Paradan kii, Russel naꞌikim yminhaydaꞌynau in aipen padubatkidian Disu tuminhapnii kid daꞌy naꞌik inxaꞌapatinhaꞌazun ykawaan at. Indaꞌanan kapam naꞌapan kiwiichipaꞌu mixidiainhau Disu xaꞌapatinhayzun. Disu yryy saakadaꞌuraz padapadan pidiannau indaꞌan kiz yryy, yryy id wadaꞌanan Disu kapam, ykayꞌan yryy wyryy saakadaꞌuraz daꞌi Yewah Puchurynau Kakuwapainhau. — Colossians (Colossenses) 1:18-20.