NSIPO 137
Athiyana Oowaamini, Arokora maKristau
-
1. Sara, Estheri, Ruthi ni akina:
Axithiyana oowaamini vanci!
Yaanipaka itthu sooreera tthiri.
Awo ninnaasuwela masin’aya,
Akina khansuweliwa saana;
Hata vari siiso, naawo yaahaamini.
-
2. Miteko sooreera ni waaphent’atthu:
Iyo mikhalelo soophwanelela.
Athiyana ala ahiixuttiha
Ephiro yooreera wira neettele.
Nyuwo mookhalana efaita,
Nyuwo arokora, mumphente Yehova.
-
3. Arokora otheene n’aximaama:
Munnimananiha moohakalala.
Wiiyeviha wanyu ti wekeekhai;
Muluku onimookhaliheryani.
Owo khonrowa wooliyalani,
Muroromele wira munimoopowa.
(Munwehe-tho aFil. 4:3; 1 Tim. 2:9, 10; 1 Ped. 3:4, 5.)