Studiar la Bìblia ne incoraia tanto. Ma quando parlemo ai altri sora quel che imparemo, podemo sentirse ancora pi incoraiadi. Proverbi 11:25 dise: “Quel che incoraia i altri anca lu el sarà incoraià.”

Parlar ai altri sora quel che ghemo studià ne giuta a capir ancora meio el assunto. Anca, sarà pi fadiga desmentegarse de quel che ghemo imparà e restaremo contenti parché saremo drio giutar i altri. — Ati 20:35.

Proa far cossita: Nela pròssima stimana, parla ai altri sora quel che te ghè imparà. Pol esser qualchedun dela to fameia, un colega de laoro, de scola, un dei to visigni o qualchedun che te cati nela predicassion. Proa parlar de maniera sémplisse e cole to parole.

Ricòrdate: Te ghè de parlar ai altri sora quel che te impari par incoraiarli, nò par farte veder. — 1 Cor. 8:1.