COSE PERSE E CATADE Tute le cose che te cati, pòrtale al Departamento de Cose Perse e Catade. Se te ghè perso qualcossa, va a questo departamento e proa veder se l’è lì quel che te ghè perso. Tosatei che i se ga persi i ga de esser menadi a questo departamento. Alora, l’è tanto importante tender ben dei to fioi e mantégnerli insieme con ti.

BATÉSIMO Le careghe par i candidati al batésimo le sarà reservade ntela parte prinsipal, davanti del palco. I candidati al batésimo i gavarà de sentarse nele careghe reservade par lori vanti del scomìnsio del discorso de batésimo, che el sarà nel sabo de matina. Cada un el ga de portar una tovaia e robe modeste de bagno.

LE CAREGHE L’è bon gaver considerassion coi altri. Ricòrdate che te pol reservar careghe sol par quei che i viaia con ti, quei che i ze de star con ti o quei che i stùdia la Bìblia con ti. No stà assar gnente sora le careghe che no te vè doperar.

DONATIVI Ghen’è tante spese par gaver careghe apropriade, sistema de àudio e vìdeo e tante altre cose che le ne dà conforto par assister al congresso e giutarne a rivarse pi darente de Geovà. I to donativi i giuta a pagar queste spese e anca apoiar la òpera mondial. Par esser pi cómodo par ti, ghen’è cassete de contribuission con identificassion in diversi posti nel posto del congresso. Se dà valor a tuti i donativi. El Corpo Governante el vol ringrassiarte par la generosità in apoiar i interessi del Regno.

INDICADORI I indicadori i ze stati designadi par giutarte. Colabora sempre con lori e aceta le so orientassion sora stassionamento, la movimentassion de persone, la reserva de careghe e sora altre robe.

PRIMO SOCORO Ricòrdate che l’è SOL PAR EMERGENSA.

SERVÌSSIO VOLONTÀRIO Se te vol laorar nel congresso come volontàrio, te pol ndar al Departamento de Informassion e Servìssio Volontàrio.

SCOLA DE VANGELISADORI DEL REGNO Pionieri con età intrà 23 e 65 ani che i ga interesse de sgrandar el so ministero i ze convidadi par assister ala riunion par i candidati ala Scola par Vangelisadori del Regno nela doménega dopo mesdì. La ora e el posto de questa riunion i sarà anunsiadi.