Jona 2:1-10
2 Etiyin Jona da nẹrhovwo rhe Jihova Ọghẹnẹ rọyen vwevunrẹ erin na,
2 ọ da ta:
“Mi kperi se Jihova vwevunrẹ ukpokpogho mẹ, o de nyo vwe.
Mi kperi vwọ kẹ ukẹcha vwevunrẹ ukokodo rẹ Ushi.*
Wo de nyo urhuru mẹ.
3 Ọke wo vwo do vwe phiyọ ukokodo na, vwevunrẹ uherevie rẹ abadi na,Ọkẹre na de rhurhu uvwe.
Ọgbogho ọgangan wẹn da mwavwe wan enu mẹ.
4 Me da ta, ‘Wọ djẹ vwẹ vwo nẹ obaro wẹn!
Kẹ mavọ yen me sa vwọ rhoma ni uwevwin rẹ ẹga ọfuanfon wẹn na?’
5 Ame re vwe ji phi arhọ mẹ phiyọ imuoshọ;Mi divwin ro evunrẹ ukokodo rẹ ame na.
Odin da riariẹ uyovwin mẹ phiyọ.
6 Mi divwin kpo obotọ rẹ igbenu na.
Akpọ na bi ẹchẹ rọyen gbe vwe bẹdẹ.
Ẹkẹvuọvo wo sivwin arhọ mẹ vwo nẹ evunrẹ ọgọdọ na rhe, E Jihova Ọghẹnẹ mẹ.
7 Ọke me vwọ guọnọ ghwẹ, Jihova yen Ohwo re me karophiyọ.
Ẹrhovwo mẹ de bru we rhe, vwevunrẹ uwevwin rẹ ẹga ọfuanfon wẹn.
8 Ihwo re vwẹ oma kpahotọ vwọ kẹ edjọ ri fiemuu na kpairoro vrẹ esiri rẹ ẹguọnọ ro jẹ rhẹriẹ rayen.*
9 Ẹkẹvuọvo vwọ kẹ vwẹ, mi che ze izobo vwọ kẹ wẹ vẹ urhuru rẹ akpẹvwẹ.
Oborẹ mi veri, me cha hwa.
Usivwin obọ ri Jihova yen o nẹ cha.”
10 Ọke vwọ yan obaro, Jihova da vwẹ iji kẹ erin na, ọ da kpa Jona phiyọ otọ ọyaya.
Eta rehẹ obotọ na
^ Yẹrẹ “Sheol,” kọyen, ushi re shẹ ihwo phiyọ. Ni Eta re Vwomaphia.
^ Yẹrẹ ọ sa dia, “kpairoro vrẹ evun-ẹfuọn rayen.”
