19-ТӤ УРОК
Иеговалэн Адӟись-Ивортӥсьёсыз — со зэмос христианъёс-а?
Ми, Иеговалэн Адӟись-Ивортӥсьёсыз, юн оскиськомы, ми зэмос христианъёс шуыса. Тодэ, мар вылэ пыкиськемын милям осконмы, малы ми озьы нимаськиськомы но кызьы ми ог-огмылы яратэммес возьматӥськомы.
1. Мар вылэ пыкиськемын Иеговалэн Адӟись-Ивортӥсьёсызлэн осконзы?
Иисус вераз, Инмарлэн Кылыз — со зэмлык шуыса (Иоанн 17:17). Иисус сямен, Иеговалэн Адӟись-Ивортӥсьёсыз котьку дышето но уло соя, малы дышетэ Инмарлэн Кылыз. Тани одӥг пример. XIX даурлэн пумаз кӧня ке адямиос Инмарлэсь Кылзэ пыр-поч эскерыны кутскизы. Соос ужпум кутӥзы улыны соя, малы дышетэ Библия, черкъёсын мукет сямен дышетӥзы ке но. Ӝоген соос Библиысь зэмлыкез мукет адямиослы но вераны кутскизы a.
2. Малы ми Иеговалэн Адӟись-Ивортӥсьёсыз шуыса нимаськиськомы?
Иегова аслэсьтыз ужась-тыршисьёссэ адӟись-ивортӥсьёс шуыса нима, малы ке шуоно соос со сярысь зэмзэ верало (Еврейёслы 11:4—12:1). Кылсярысь, вашкала дыръя Инмар аслаз калыкезлы вераз: «Тӥ... Мынам адӟисьёсы». (Лыдӟе Исаиялэсь 43:10.) Иисус Христос сярысь Библиын верамын, со «оскиськымон шара ивортӥсь» шуыса (Усьтӥськон 1:5). Соин ик 1931-тӥ арын ми Иеговалэн Адӟись-Ивортӥсьёсыз шуыса нимаськыны кутскимы. Та нимез нуллыны ми понна бадӟым дан!
3. Кызьы Иеговалэн Адӟись-Ивортӥсьёсыз, Иисуслэсь адӟем карыса, яратонзэс возьмато?
Иисус туж яратӥз аслэсьтыз дышетскисьёссэ, соос солы семья кадь вал. (Лыдӟе Марклэсь 3:35.) Озьы ик туннэ но быдэс дунне вылысь Иеговалэн Адӟись-Ивортӥсьёсыз асьсэды одӥг бадӟым семьяен лыдъяло. Соин ик ми ог-огмес вын-агайёс но сузэр-апайёс шуиськомы (Филимонлы 1, 2). Озьы ик ми кылзӥськиськомы таӵе курон-косонлэсь: «Инмарез яратӥсь мурт агай-вынъёсты но мед яратоз» (1 Иоанн 4:21). Иеговалэн Адӟись-Ивортӥсьёсыз котькыӵе дыръя но огъя оскисьёссылы яратэмзэс возьмато, кылсярысь, шимучыръёсын пумиськыку.
МУРГЕС ЭСКЕРЕ
Тросгес тодэ Иеговалэн Адӟись-Ивортӥсьёсызлэн историзы сярысь но тодэ, мар эшшо возьматэ на, ми зэмос христианъёс шуыса.
Зэмос христианъёс оско солы, малы дышетэ Библия, мукетъёссэ но солы дышето
4. Ми оскиськомы солы, мар гожтэмын Библиын
Иегова азьло ик вераз, Библиысь зэмлык пумен валамон луоз шуыса. Лыдӟе Данииллэсь 12:4 но та юанлы валэктон сётэ:
-
Мар будыны кулэ вал Инмарлэн ужась-тыршисьёсыз пӧлын, Библиез пыр-поч дышетэмзылы луыса?
Тодэ, кызьы Библиез Эскерисьёс, кудъёсыз пӧлын Чарлз Расселл вал, Инмарлэсь Кылзэ эскеризы. Учке ВИДЕОРОЛИКЕЗ но та юанлы валэктон сётэ:
-
Кызьы Библиез эскеризы Чарлз Расселл но солэн эшъёсыз?
Тодӥськоды-а тӥ?
Дырын-дырын милям куд-ог учконъёсмы воштӥсько. Малы? Учкомы одӥг примерез. Ӵукна, шунды ӝужаку, пумен югыт луэ но, ми урамысь ваньзэ умойгес но умойгес адӟиськомы. Озьы ик Библиысь зэмлыкен но. Инмар милемлы тросгес валан сётэ но, ми зэмлыкез умойгес валаны кутскиськомы. (Лыдӟе Мадёнъёсты 4:18.) Библия уг воштӥськы. Ми учконъёсмес воштӥськомы, малы ке шуоно умойгес валаны кутскиськомы Библиез.
5. Ми лэсьтӥськомы сое, мар карыны косэ милям ниммы
Малы ми Иеговалэн Адӟись-Ивортӥсьёсыз шуыса нимаськыны кутскимы? Учке ВИДЕОРОЛИКЕЗ но та юанлы валэктон сётэ:
-
Малы «Иеговалэн Адӟись-Ивортӥсьёсыз» ним тужгес но тупа милемлы?
Малы Иегова адямиос пӧлысь аслыз адӟись-ивортӥсьёс бырйиз? Инмар сярысь трос пӧяса верало бере, адӟись-ивортӥсьёс со сярысь зэмзэ верало. Эскеромы кык примеръёсты гинэ.
Куд-ог религиос верало, Инмарлы кельше шуыса, куке адямиос мудоръёс яке сульдэр-идолъёс азьын солы йыбыртто. Лыдӟе Левитэз 26:1 но та юанъёслы валэктонъёс сётэ:
-
Нош кызьы зэмзэ ик? Кызьы Иегова учке идолъёс шоры?
Куд-ог религиос дышето, Иисус — со Инмар шуыса. Лыдӟе Иоаннлэсь 20:17 но та юанъёслы валэктонъёс сётэ:
-
Нош кызьы зэмзэ ик? Инмар но Иисус — со одӥг-а?
-
Иегова аслэсьтыз Адӟись-Ивортӥсьёссэ ачиз сярысь но Пиез сярысь зэмлыкез вераны косӥз. Лыдъяськоды-а тӥ, со бадӟым дан шуыса?
6. Милемыз яратон огазея
Библиын верамын, кызьы пӧртэм мугор люкетъёс одӥг мугор луо, озьы ик христианъёс но ог-огзэс яратыны но одӥг мугор луыны кулэ шуыса. Лыдӟе 1 Коринфъёслы 12:25, 26 но та юанъёслы валэктонъёс сётэ:
-
Та кылбуръёс верамъя, мар каро зэмос христианъёс, куке вын-агайёссы шуге-леке сюро?
-
Иеговалэн Адӟись-Ивортӥсьёсыз ог-огзэс озьы ярато-а? Вералэ пример.
Куке Иеговалэн Адӟись-Ивортӥсьёсыз кыӵе ке шаерын шуг-секытэн пумисько, мукет шаеръёсысь Адӟись-Ивортӥсьёс соку ик соослы юрттыны дырто. Тани одӥг пример. Учке ВИДЕОРОЛИКЕЗ но та юанлы валэктон сётэ:
-
Иеговалэн Адӟись-Ивортӥсьёсыз шимучыре сюремъёслы юртто. Кызьы со соослэсь адямиосты яратэмзэс возьматэ?
Зэмос христианъёс шуге-леке сюремъёслы яратэмзэс возьмато
КИН КЕ НО ВЕРАНЫ БЫГАТОЗ: «Иеговалэн Адӟись-Ивортӥсьёсыз — со кыӵе ке выль религия».
-
Кыӵе вакытысен Иегова аслэсьтыз ужась-тыршисьёссэ Адӟись-Ивортӥсьёс шуыса нима?
ТОДЭ ВАЁН
Иеговалэн Адӟись-Ивортӥсьёсыз — зэмос христианъёс. Ми — калыккуспо семья. Ми дышетӥськомы но улӥськомы соя, малы дышетэ Библия. Озьы ик ми Иегова сярысь зэмлыкез мукетъёсызлы вераськомы.
Мае тон тодӥд?
-
Малы ми Иеговалэн Адӟись-Ивортӥсьёсыз шуыса нимаськыны кутскимы?
-
Кызьы ми ог-огмы шоры учкиськомы?
-
Малпаськоды-а тӥ, Иеговалэн Адӟись-Ивортӥсьёсыз — со зэмос христианъёс шуыса?
ТРОСГЕС ТОДЭ
Тросгес тодэ милям историмы сярысь.
«Иеговалэн Адӟись-Ивортӥсьёсыз — осконзы уж вылын адӟиське. 1-тӥ люкет. Пеймытысь» 1:00:53
Учке, кызьы Иеговалэн Адӟись-Ивортӥсьёсыз зэмос луисьтэм религилэсь дышетонъёссэ шараяло.
Тодэ Иеговалэн Адӟись-Ивортӥсьёсыз сярысь ӵем сётъяськись юанъёслы валэктонъёсты.
«Иеговалэн Адӟись-Ивортӥсьёсыз сярысь ӵем сётъяськись юанъёс» (jw.org сайтысь рубрика)
Стивен сьӧд куо но тӧдьы куо адямиос вискын жугиськонэ пыриськылӥз. Тодэ, кызьы Иеговалэн Адӟись-Ивортӥсьёсызлэн примерзы солэсь мылкыдзэ ӝутӥз воштӥськыны.
«Мынам улонэ уродгес но уродгес луыны кутскиз» («Возьмаськон башня», 2015-тӥ ар, 1-тӥ пӧсьтолэзь)
a Милям валтӥсь журналмы, «Возьмаськон башня», поттӥське, 1879-тӥ арысен кутскыса. Со быдэсак Библия вылэ пыкиськемын.
