Nahumu 2:1-13

  • Nineve niija kuhwerekerezebwa (1-13)

    • “Emiryango y’ebisaaru erikingurwa” (6)

2  Ogu ow’ararangya aizire hali iwe.* Linda ebikomera byawe eby’amaani. Ikara noorora omu muhanda. Weeteekanirize obulemu* kandi osorooze amaani gaawe goona.  2  Habwokuba Yahwe naija kugarraho ekitiinisa kya Yakobbo,Hamu n’ekitiinisa kya Isaleeri,Baitu abanyagi babanyagire;Kandi basiisiire kimu emisiri yabo.  3  Engabu ez’abasaija be ab’amaani zisiigirwe erangi erukutukura,Abarwani be bajwaire engoye ezirukutukura. Ebyoma ebiri ha kigaali kye eky’obulemu, nibyangasana nk’omurro,Nyamusana ayeteekaniriza obulemu,Kandi naahungyahungya amacumu ge, agakozerwe kuruga omu muti omukogoto.  4  Ebigaali by’obulemu nibiiruka kiraru omu nguudo. Nibiirukairuka hanu na hali omu zigati z’orubuga. Nibyangasana nk’emuli ezirukwaka kandi nibimyankya* nk’enkuba.*  5  Naija kuragira abakuru be. Baligenda batiinire. Baliiruka nibagenda ha kisiika ky’orubuga.Baliteekaho ebintu eby’okubalinda.  6  Emiryango y’ebisaaru erikingurwa,Kandi ekikaali kirihwerra.*  7  Kimazire kucwibwamu: RwanikirweRutwairwe, kandi n’abazaana baarwo nibarra;Nibarra nk’amaiba, nibeeteera omu kifuba.*  8  Omu busumi bwayo bwona, Nineve ekaba eri nk’ekidiba ky’amaizi,Baitu hati nibairuka. “Mwemerre! Mwemerre!” Baitu busaho n’omu arukurora enyuma.  9  Munyage efeeza, munyage ezaabbu! Eby’obuguuda byarwo bingi muno. Rwijwiremu ebintu eby’omuhendo ebya buli mulingo. 10  Orubuga tirukyarumu kantu, rulekerweho, kandi ruhwerekereziibwe! Abantu batiinire, kandi amaju gaabo hamu n’enyugunyu zaabo nibitukumira;Boona basiihuukire obuso.* 11  Obwingira bw’entale buli nkaha, nambere ebyana by’entale biriira,Nambere entale eruga eyebembiire ekyana kyayo,Hataroho muntu weena ow’asobora kuzitiinisa? 12  Entale ensaija ekaita enyamaiswa ezirukumara, kuliisa ebyana byayoKandi yaitira n’enkazi yayo. Ekaikaza ebiina byayo biijwire enyama,N’obwingira bwayo yabwijuza ebisoro ebitaagwirwe. 13  Yahwe ow’amahe agambire ati: “Dora! Niinyija kukurwanisa,Niinyija kwokya ebigaali byawe eby’obulemu,N’empirima niija kuhwerekereza entale zaawe ento. Niinyija kumaraho omuhiigo gwawe omu nsi,Kandi n’iraka ly’abakwenda baawe tiriryongera kuhulirwa.”

Obugambo Obuli Hansi

^ Egi Nineve.
^ Nkooku kiri, “Gumya enyugunyu zaawe.”
^ Rundi, “nibimyalikya.”
^ Rundi, “omurabyo.”
^ Rundi, “kirigwa.”
^ Nkooku kiri, “ha mitima.”
^ Rundi, “h’amaiso.”

Obujunanizibwa bwaitu ha Kitabu Kinu