“Axi Li Kwini Xikwembu?”
“NI TSHAMELA KUTIVUTISA: AXI LI KWINI XIKWEMBU?” — Papa Bento XVI, loko a yendzela khale ka ndhawu ya tinxanisa a Auschwitz, Polônia.
LOKO KUHUMELELA TIMHANGU, XANA WA TIVUTISA LESWAKU HAYINI XIKWEMBU XINGATI SIVELI? XANA U TSHAMA U KUMANA NI XIKARHATO XA KUTIKA SWINENE LEXIKU YENDLEKE U KANAKANA LESWAKU XIKWEMBU XI NI MHAKA NA WENA?
Kumbexana u titwa hi ndlela leyi Sheila, lweyi a tshamaka Estados Unidos, a atitwa ha yona. A vule leswi: “Kusukela wutsonganwini anixi rhandza Xikwembu hikusa hi xona Muvumbi wa hina. Hambileswo, aninga tivoni tani hi munghana wa xona. Hambileswi aniswi tiva leswaku Xikwembu xani vona, ani pimisa leswaku xi nyima hi le kule. Aninga pimisi leswaku xani nyenya, kambe hi hala tlhelo aninga kholwi leswaku xani rhandza.” Hayini Sheila, lweyi a kulisiweke ka ndjangu wa vakhongeli, a akanakana leswaku Xikwembu xi ni mhaka na yena? Wa hlamusela: “Ndjangu wa mina wu kumane ni swikarhato swinyingi hi kulandzelelana, naswona aswi tikomba ingi Xikwembu axinga yendli nchumu leswaku xihi pfuna.”
Kufana na Sheila, swinga yendleka u kholwa leswaku ku ni Xikwembu lexinga ni matimba. Kambe hi hala tlhelo, wa kanakana leswaku hakunene xi ni mhaka na wena. Yobo, wanuna wa kululama, lweyi a akholwa leswaku Xikwembu xi ni matimba ni wutlharhi, na yena a tshame a kanakana. (Yobo 2:3; 9:4) Ndzhaku ka loko a weliwe hi makhombo ya kulandzelelana — naswona swinga voneki leswaku npfuno wuta ta hi kwini — a vutise Xikwembu a ku: “Hayini ufihla ngohe ya wena utlhela univona tani hi nala wa wena?” — Yobo 13:24
Xana Bibele li djondzisa yini? Xana makhombo lama humelelaka ma vangiwa hi Xikwembu? Xana swi kona leswingahi kholwisaka leswaku Xikwembu xi ni mhaka ni vanhu hinkwavo naswona xi ni mhaka ni mun’wana ni mun’wana wa hina hi yexe? I yini lexingaku kholwisaka leswaku Xikwembu xa nyikela yingiso ka wena, xaku twisisa, xaku twela naswona xaku pfuna leswaku u langutana ni swikarhato swa wena?
Ka tinhlokomhaka leti landzelaka, hita vona ndlela leyi Xikwembu xihi vumbiseke xiswona. Kuyendla leswo switahi pfuna kuvona leswaku Xikwembu xi ni mhaka na hina. (Varhoma 1:20) Ndzhaku, hita vona leswi Bibele liswi djondzisaka hi kukhatala ka Xikwembu. Loko u yanakanyisisa hi ndlela leyi Xikwembu xihi vumbiseke xiswona ni kudjondza Bibele, uta ya ‘uxitiva’ kuyampsa Xikwembu, naswona uta tiyiseka leswaku xi ni mhaka na wena. — 1 Yohane 2:3; 1 Petro 5:7.
Ni Mhaka Leyi Yi Ta Ku Tsakisa
MURINDZI
Xana Xikwembu Xa Nyikela Yingiso ka Wena?
I yini lexihi tiyisekisaka leswaku Xikwembu xi khatala hintamu hi hina
