XIDJONDZO 8
Hayini Xikwembu Xipfumelela Wubihi ni Kuhlupheka?
1. Xana wubihi lisungulise kuyini?
Yehovha apfumelele vanhu leswaku vatifuma kuva akombisa leswaku avangeswikoti kululamisa swikarhatu swa vona vinyi
Wubihi lisungule kola misaveni loko Sathana avule mavunwa yosungula. Akusunguleni Sathana aali ntsumi ya kuhetiseka, kambe “anga tshamanga atiyile ntiyisweni.” (Yohane 8:44) Anavele wugandzeli leli alifanela Xikwembu ntsena. Ahembele wansati wosungula Eva, amuhlohlotela kuxandzukela Xikwembu. Adamu na yena ayingise nsati wakwe ivi axandzukela Xikwembu. Leswi Adamu angaswi hlawula swivange kuhlupheka ni lifu. — Lerha Genesa 3:1-6, 19.
Loko Sathana axengetela Eva kuxandzukela Xikwembu, aasungula kuxandzukela mfanelo leyi Xikwembu xinga na yona yofuma. Vanhu votala vanyime na Sathana vayala kufumiwa hi Xikwembu. Hikolaho, Sathana ahundzuke “mufumi wa misava.” — Lerha Yohane 14:30; 1 Yohane 5:19.
2. Xana aku ni leswinga hoxeka ka swivumbiwa swa Xikwembu?
Mintirhu hinkwayu ya Xikwembu yi hetisekile. Yehovha avumbe tintsumi ni vanhu vali ni wuswikoti la kumuyingisa hilaha kuhetisekeke. (Deteronoma 32:4, 5) Phela Yehovha angahi vumbanga kufana ni michini leyimahaka leswi yingayendleliwa swona ntsena. Yehovha angahisindzisi kumaha leswi yena aswilavaka. Xikwembu xahirhandza. Hikolaho, xihiyendle hi li ni ntshunxeko wotilangela axikarhi ka leswinene ni leswobiha. — Lerha Yakobo 1:13-15; 1 Yohane 5:3.
3. Hayini Xikwembu xipfumelele kuhlupheka kutafikela nyamuntlha?
Yehovha apfumelele kuhlupheka kusukela loko Adamu axandzukile. Hi mhaka muni? Kuva akombisa leswaku minzamu ya munhu yoringeta kutifuma ayinge humeleli. (Eklesiasta 7:29; 8:9) Sweswo swivoneke ka 6.000 wa malembe lama hundzeke vanhu vali karhi varingeta kutifuma. Vafumi lavanga vanhu vatsandzekile kuhelisa tinyimpi, wugevenga, wubihi ni mavabyi. — Lerha Yeremiya 10:23; Varhoma 9:17.
Kuhambana ni mimfumu ya vanhu, Mfumu wa Xikwembu wutavuyelisa lava pfumelaka kufumiwa hi wona. (Esaya 48:17, 18) Kungalikhale, Yehovha atayihelisela makumu mimfumu hinkwayu ya vanhu. Vanhu lava pfumelaka kufumiwa hi Xikwembu hi vona ntsena vangatasala vahanya laha misaveni. — Esaya 11:9; Lerha Daniyele 2:44.
Sixtira vhidiyu lelinge Hayini Xikwembu Xipfumelela Kuhlupheka?
4. Xana kulehisa mbilu ka Xikwembu kuhinyika mukhandlu woyendla yini?
Sathana avule leswaku vanhu vatirhela Xikwembu hikolaho kolava nchumu xokarhi. Xana awuswilavi kumakaneta mavunwa wolawo? Ina, ungaswikota! Kulehisa mbilu ka Xikwembu kuhinyika nkama wokombisa leswaku hilava kufumiwa hi xona kumbe hi vanhu. Mahanyelo ya hina hi wona mangata kombisa leswaku hilanga kufumiwa hi mani. — Lerha Yobo 1:8-12; Swivuriso 27:11.
5. Hingaswi kombisa njhani leswaku hilange Xikwembu ku va Mufumi wa hina?
Swiboho swa hina hi swona swikombisaka leswaku hilanga Xikwembu kuva Mufumi wa hina
Hingakombisa leswaku hilange Xikwembu ku va Mufumi wa hina hi kulavetela wugandzeli la ntiyisu leli seketeliweke Bibeleni ni kutlhela hitihlanganisa ni lavahanyaka hi lona. (Yohane 4:23) Hinga papalata kufumiwa hi Sathana hi kunga ngheneleli ka swa politika ni tinyimpi, hilaha Yesu amaheke hakona. — Lerha Yohane 17:14.
Sathana atirhisa ntamu wakwe kuva ahlohlotela vanhu vatikhoma hi ndlela yobiha. Kupapalata ka hina minkhuva yoleyo yobiha swingayendla leswaku vanghana ni maxaka ya hina vahipoyila kumbe kuhikaneta. (1 Petro 4:3, 4) Hikolaho, hifanele hiyendla xiboho. Xana hitati hlanganisa ni vanhu lava rhandzaka Xikwembu ni kuyingisa minawu ya xona ya wutlharhi ni ya lirhandzu? Hi kuyendla leswo, hitakaneta mavunwa ya Sathana ya leswaku anga kona munhu lweyi anga gandzelaka Xikwembu loko akumana ni swikarhatu. — Lerha 1 Vakorinto 6:9, 10; 15:33.
Ndlela leyi Xikwembu xirhandzaka vanhu ha yona yitiyisekisa leswaku wubihi ni kuhlupheka switahela. Hinkwavu lava kombisaka lipfumelo ka Xikwembu ni kuhanya hi ndlela leyikombisaka leswaku valange Xikwembu tani hi Mufumi wa vona, vatatikhorisa hi wutomi lelingaheliki laha misaveni. — Lerha Yohane 3:16.
