Ami bilong Rom i bin raunim Jerusalem na banisim, tasol ol i lusim. Tupela famili Kristen i mas wokim hatpela disisen. Bai ol i bihainim tok bilong Jisas na lusim olgeta ol samting ol i save pinis long en o nogat? Disisen bilong ol bai helpim ol long kisim laip o i makim dai bilong ol. Dispela vidio i soim ol samting i bin kamap em Baibel i stori long en na i stret wantaim ol samting i bin kamap long bipo. Bilong makim ol samting i bin kamap tru tru, sampela hap bilong vidio i soim ol man i pait; tasol dispela i no litimapim pasin bilong pait na bagarapim man, nogat, em i soim tasol ol samting em ol Kristen bilong pastaim i bin bungim.