SINGSING 117
Gutpela Pasin
-
1. Jehova gat gutpla pasin
Blesim mipela oltaim!
Pasin holi pulap long yu,
Yu gat gutpla pasin tru,
Marimari tru long yumi,
Maski yumi man blong graun.
I stret yumi lotu long em,
Mekim wok blong em oltaim.
-
2. Ol manmeri yu bin makim
Kamapim pasin blong yu;
Stap ples klia long pasin blong ol
Na mekim wok autim tok.
Gutpla wasman, gutpela skul,
Kamapim gutpla kaikai.
Givim spirit long mipela,
Bihainim gutpla pasin.
-
3. Plis yu blesim gutpla pasin
Long ol brata blong mipla.
Mipela mekim gut long ol
Na mekim gutpla pasin.
Wanwan famili, kongrigesen,
Na ol taun na neiba tu,
Spirit blong yu helpim mipla,
Mekim gutpela pasin.
(Lukim tu Sng. 103:10; Mak 10:18; 2 Sto. 6:41; Efe. 5:9.)