KIRAP! No. 2 2018 | 12-pela Rot Bilong Famili i Stap Amamas
12-pela Rot Bilong Famili i Stap Amamas
Planti taim yumi harim stori long ol hevi i kamap insait long ol famili. Tasol ol famili i stap amamas i mekim wanem?
Namel long yia 1990 na 2015, ol man i kisim divos long Amerika em ol i winim 50 krismas, namba bilong ol i go antap tupela taim. Na ol manmeri em ol i winim 65 krismas, namba bilong ol i go antap tripela taim.
Ol papamama i tingting planti: Sampela saveman i tok, oltaim tok amamas long pikinini, tasol ol narapela i tok bosim strong pikinini na bai yu helpim em.
Ol yangpela i kamap bikpela man na meri, tasol ol i no gat save ol i nidim bilong i stap amamas.
Maski i olsem, tru tru . . .
Ol gutpela samting inap kamap long marit na em i bilong i stap oltaim.
Ol papamama i ken lain long stretim pikinini bilong ol wantaim pasin laikim.
Ol yangpela i ken kisim save ol i nidim taim ol i kamap bikpela man na meri.
Hau bai ol inap mekim olsem? Dispela nius Kirap! bai stori long 12-pela rot bilong famili i stap amamas.
1: Stap Gut
Tripela rot bilong helpim ol marit long i stap gut.
2: Wok Bung
Olsem wanem? Poroman marit bilong yu i stap olsem rumeit bilong yu?
3: Rispek
Kisim save long toktok na pasin yu mas bihainim na bai poroman i pilim olsem yu rispektim em.
4: Fogivim
Wanem samting bai helpim yu long i no tingim ol popaia bilong poroman marit?
5: Toktok
Tripela rot bilong helpim yu long pas gut moa wantaim ol pikinini bilong yu.
6: Stretim
Yu ting pasin bilong stretim pikinini i daunim em?
7: Gutpela Pasin
Yu mas skulim ol pikinini long bihainim wanem pasin?
8: Eksampel
Sapos yu laik bai ol tok bilong yu i stap long bel bilong ol pikinini bilong yu, orait ol tok bilong yu i mas stret wantaim ol samting yu mekim.
9: Nem Yu Gat
Olsem Wanem ol yangpela inap strong long bihainim bilip bilong ol?
10: Trastim
Taim papamama bilong yu i trastim yu, em namba 1 rot bilong kamap man i bikpela pinis.
11: Wok Hat
Lain long pasin bilong wok hat taim yu yangpela na dispela bai helpim yu long stap amamas long wanem wanem ol samting yu mekim long laip.
12: Ol Mak
Taim yu winim ol mak, dispela bai helpim yu long bilip long yu yet, strongim pasin pren, na amamas bilong yu bai go bikpela.
Sampela Tok Bilong Helpim Famili
Tok bilong Baibel inap helpim yu long strongim marit na famili bilong yu bai i stap amamas.
