Savetingting Bilong Stiaim Yu Long Stap Amamas
“Tru mi no amamas taim mi lukim pasin nogut i stap long graun —ol woa, bikpela hangre, sik, na ol man i mekim nogut long ol pikinini—tasol nau mi bilip na wet long gutpela samting bai kamap bihain.”—RANI. *
Rani i kisim save long amamas tru taim em i kisim save long Man i as bilong savetingting—Krieta bilong yumi, em God i Gat Olgeta Strong. Taim yu ritim ol atikol i kamap bihain long dispela, skelim olsem wanem ol tok bilong God inap helpim yu long . . .
stap amamas wantaim famili
stap wanbel wantaim ol narapela
amamas long ol samting yu holim pinis
kisim save long wai na yumi karim pen na hevi na dai
wetim gutpela samting bai kamap bihain
kisim save long Krieta bilong yumi na go klostu long em
Yu bai kisim save tu olsem Krieta bilong yumi i save givim savetingting tu long olgeta man em ol i painim savetingting na i no long sampela man tasol.
^ par. 2 Mipela senisim ol nem long dispela magasin.
