BIHAINIM PASIN KRISTEN
Olsem Wanem? Yu Inap Lusim Haptaim na Strong Bilong Yu Bilong Helpim Wok Bilong Jehova?
Olsem Aisaia i tok profet, oganaisesen bilong Jehova long graun i go bikpela moa. (Ai 54:2) Dispela i mekim na i mas i gat ol nupela Haus Kingdom, Ples Kibung, na brens ofis. Taim ol i wokim pinis ol dispela haus, yumi mas lukautim ol na bihain sampela bilong ol, ol i mas stretim gen. Olsem wanem dispela i opim rot long yumi lusim haptaim na strong bilong yumi long sapotim wok bilong Jehova?
-
Sapos em taim bilong grup bilong yumi long klinim Haus Kingdom, orait yumi mas insait long dispela wok
-
Yumi ken volantia long kisim treinim bilong lukautim Haus Kingdom
-
Yumi ken pulapim fom Local Design/Construction Volunteer Application (DC-50) na helpim wok bilong konstraksen na wok bilong lukautim ol Haus Kingdom long hap bilong yumi
-
Yumi ken pulapim fom Aplikesen Bilong Haptaim Volantia (A-19) na helpim wok long wanpela wik o sampela wik long betel o narapela hap bilong betel long kantri bilong yumi.
LUKIM VIDIO PLEN BILONG NUPELA KONTRAKSEN PROJEK—HAP BILONG EN, NA BIHAIN GIVIM OL DISPELA ASKIM:
-
Stori long olsem wanem kirap long 2014 na i kam, wok bilong yusim ol vidio i go bikpela moa.
-
Bilong redim ol vidio bilong yumi long lotu, ol i redi long mekim wanem wok? Na ol bai kirapim dispela wok long wanem taim na pinis long wanem taim?
-
Ol lain i laik insait long dispela wok, ol i ken mekim wanem?
-
Sapos yumi laik helpim konstraksen wok long Ramapo, bilong wanem yumi mas pulapim fom DC-50 na helpim wok bilong Lokol Disain/Konstraksen i kamap long hap bilong yumi?
-
Wanem samting i soim olsem Jehova i go pas long dispela wok?
-
Olsem wanem yumi ken sapotim dispela wok maski sindaun bilong yumi i mekim na yumi no inap o yumi no stap long Amerika?