BILONG WANEM EM I BIKPELA SAMTING: Wanpela bilong ol 14 pas Pol i raitim bilong strongim ol wanbilip Kristen em buk Namba 1 Korin. Man i raitim leta i gat rot bilong makim gut ol tok em bai raitim, na man i kisim dispela leta inap ritim planti taim. Pasin bilong raitim ol leta em gutpela rot bilong autim tok long ol wanblut na ol pren. Em i gutpela rot tu bilong autim tok long ol man em yumi no inap bungim ol na toktok wantaim ol. Olsem, ating wanpela i gat laik long harim tok tasol yu no inap painim em long haus. I hatwok long toktok wantaim sampela man long teritori bilong yumi bikos ol i stap long ol haus i gat strongpela sekiuriti, komiuniti i gat banis i raunim, na long ol ples i stap longwe. Wanem sampela samting yumi ken tingim taim yumi raitim leta long wanpela em yumi no save long em?

ROT BILONG MEKIM:

• Mekim tok olsem yu bai mekim taim yu lukim em na toktok wantaim em. Long kirap bilong leta kamapim klia yu husat, na wanem as na yu rait long em. Ating yu ken givim wanpela askim long em na stiaim em i go long Web-sait bilong yumi. Na tokim em yumi save mekim Baibel stadi wantaim ol man, na kolim sampela sapta bilong wanpela buk yumi save stadi wantaim ol man long en. Yumi ken putim wanpela kontek kat, wanpela invatesen pepa, o wanpela liklik nius bilong Baibel wantaim dispela leta

• Mekim sotpela toktok. No ken raitim planti tok long leta, nogut man bai les long ritim.—Lukim wanpela eksampel long pes 8

• Ritim na sekim gen leta olsem i no gat popaia na ol tok i isi long kliagut long en. Skelim olsem ol tok bilong leta inap helpim man na man bai amamas long ritim. Putim inap stem long leta na bai em i ken go