Sampela Rot Bilong Autim Tok
KIRAP!
Askim: Yu ting Baibel i kam long God? O em buk i kamapim tingting bilong ol man?
Skripsa: 2Ti 3:16
Toktok: Dispela Kirap! i stori long 3-pela evidens i soim olsem Baibel i kam long God.
SKULIM MAN LONG TOK I TRU
Askim: Yumi mas i gat wanem tingting long laip?
Skripsa: Re 4:11
Tok i tru: Laip em presen i kam long God, olsem na yumi mas soim rispek long en. Yumi mas was gut long olgeta taim, na yumi no laik kilim i dai narapela man. Yumi tingim tru laip olsem presen.
WANEM ROT BILONG FAMILI I KEN STAP AMAMAS?
Askim: Lukim askim i stap long fran pes bilong dispela liklik nius na sampela bekim bilong en. Wanem tingting bilong yu?
Skripsa: Lu 11:28
Toktok: Dispela liklik nius i stori long samting inap helpim famili bilong yu, na bilong wanem yumi ken bilip tru long ol tok Baibel i mekim.
RAITIM OL TOK YU BAI YUSIM LONG AUTIM TOK
Yusim ol dispela eksampel na yu yet i ken raitim ol tok yu bai yusim long autim tok.