SEKSEN 1

Kirap Long Taim Bilong Enok i Go Long Taim Bilong Samuel

Dispela seksen i stori long sampela man na meri em ol i stap gutpela eksampel long strongpela bilip na strongpela bel, kirap long Enok i go long taim bilong profet Samuel.

Seksen 1 Taimlain

Wanpela sat i soim haptaim bilong ol manmeri em Baibel i stori long ol i bin i stap laip, na piksa bilong ol bikpela samting Baibel i stori long en.

1 ENOK

Em i Wokabaut Wantaim God

Enok i stap narapela kain long ol manmeri long taim bilong em long tupela rot. Olsem wanem em inap mekim olsem? Yumi kisim wanem skul long em long pasin bilong strongim bel?

2 NOA

Em i Soim Olsem Ol Manmeri i Gat Asua

Hau taim bilong yumi long nau i wankain long taim bilong Noa? Skelim hau yu inap bihainim pasin bilong Noa long strongim bel long laip bilong yu.

3 SARA

Em i No Tingting Long Go Bek

Long wanem ol rot Sara soim olsem em i gat strongpela bilip na strongpela bel?

4 ABRAHAM

Fes Man Long Mekim Pait Bilong Jehova

Yumi inap kisim wanem skul long pasin bilong Abraham long redi long kisim bek nefiu bilong em? Jehova i gat wanem tingting long pasin bilong Abraham long bilip na strongim bel?

5 ABRAHAM

Em i Redi Long Mekim Samting i Hatwok Tru

Olsem wanem yumi inap bihainim pasin bilong Abraham long strongim bel long bihainim tok bilong God? Olsem wanem dispela stori i skulim mi long pasin laikim bilong Jehova?

6 REBEKA

Em i Redi Long Lusim Famili na Ples Bilong Em

Rebeka em meri i gat strongpela bilip na strongpela bel. Yumi inap kisim wanem skul long pasin bilong em?

7 JEKOP

Em i Strongim Bel na Lukautim Famili

Hau eksampel bilong Jekop i strongim yu olsem, bilong kisim blesing long Jehova dispela i winim olgeta kain hatwok yu mekim?

8 JOSEP

Em i Sakim Traim

Skelim hau pasin bilong Josep inap helpim yu long sakim ol traim, sanap strong na karim ol hevi.

9 SIFRA, PUA, AMRAM, JOKEBET, NA MIRIAM

Ol i Bilip na Haitim Moses

Ol midwaif, papamama bilong Moses, na susa bilong em i soim olsem ol i gat strongpela bilip na strongpela bel. Olsem wanem yumi ken bihainim wankain pasin?

10 MOSES

Em i Mekim Gutpela Disisen

Moses i mekim wanem disisen na bilong wanem? Yu inap kisim wanem skul long pasin bilong em?

11 MOSES

“Yu Mas Go Long Fero”

Hau ekspiriens bilong Moses i strongim yumi olsem Jehova bai sapotim yumi sapos yumi pilim olsem yumi no fit long mekim gut wanpela asainmen Em i givim long yumi?

12 KALEP

Em i Stap Gut Long God Bilong Em

Lukim hau eksampel bilong Kalep inap helpim yumi long sakim pasin bilong bihainim tok bilong “planti manmeri.”

13 JOSUA

Em i Bihainim Narapela Kain Instraksen

Jehova i tokim Josua long mekim wanem narapela kain samting? Long wanem ol taim yumi ken bihainim eksampel bilong Josua?

14 RAHAP

Em i Makim Jehova Olsem God Bilong Em

Yumi inap kisim wanem skul long samting Rahap i mekim? Em i kisim wanem blesing long pasin bilong em long bilip na strongim bel?

15 NAOMI NA RUT

Tupela i Karim Hevi Wantaim

Long wanem ol rot Naomi na Rut i soim olsem ol i gat strongpela bel? Yumi inap kisim wanem ol skul long eksampel bilong tupela?

16 BARAK NA DEBORA

“Bai Mi Go Wantaim Yu”

Barak i strong long Debora i mas go wantaim em long ples bilong pait. Yu ting dispela em mak bilong man i no gat strongpela bilip o em i gat strongpela bilip?

17 JAEL

‘Namel Long Ol Meri, Em i Kisim Planti Blesing’

Eksampel bilong Jael long strongim bel na kilim i dai wanpela birua bilong Jehova, dispela inap givim gutpela skul long yumi long nau tu. Wai na yumi nidim strongpela bel tru olsem bilong em long nau, winim olgeta taim bipo?

18 GIDEON

Em i Strongim Bel na Was Gut

Long wanem kain taim yumi nidim pasin bilong strongim bel na pasin bilong was gut?

19 JEPTA NA PIKININI MERI

Ol i Inapim Wanpela Tok Promis i Hatwok Tru

Olsem wanem eksampel bilong Jepta na pikinini meri bilong em inap helpim yumi long nau?

20 SAMSON

Em i Kisim Strong Taim Em i No Gat Strong

Yumi kisim wanem skul long pasin Samson i mekim bihain long em i bin mekim popaia?

21 SAMUEL

Liklik Mangi i Strongim Bel na Kamapim Tok Bilong Jehova

Long wanem kain taim ol yangpela i mas i gat strongpela bel long mekim samting i stret?

SEKSEN 2

Kirap Long Taim Bilong Jonatan i Go Long Taim Bilong Nehemia

Dispela seksen i gat stori bilong ol manmeri i stap gutpela piksa long pasin bilong bilip na strongim bel, kirap long Jonatan, pikinini man bilong King Sol, na bihain King Devit, na laspela hap i stori long lain bilong God i lusim kalabus long Babilon na i kam bek na wokim gen Jerusalem.

Seksen 2 Taimlain

Sat i soim haptaim ol dispela manmeri i stap laip, em stori bilong ol i stap long Baibel, na ol piksa i soim ol bikpela samting i kamap kirap long taim bilong Jonatan i go long taim bilong Nehemia.

22 JONATAN

Em i Strongim Bel Bilong Stap Gut Long Jehova

Jonatan i feisim hevi long em bai stap gut long husat. Hau em i save olsem em bai stap gut long husat? Hau yumi ken bihainim pasin bilong em?

23 DEVIT

Em i Pait Long Wanpela Traipela Man

Ol man i kolim Devit olsem “strongpela man bilong pait.” Olsem wanem eksampel bilong em i strongim ol narapela? Pasin bilong yu long strongim bel inap mekim wanem long ol narapela?

24 ABIGEL

Em i Stretim Wanpela Bikpela Hevi

Wanem skul em ol maritman na maritmeri inap kisim long stori bilong Abigel?

25 DEVIT

Em i Strongim Bel na Mekim Samting i Stret

Rot i op long Devit inap bekim rong. Wanem samting i stopim em? Olsem wanem yumi ken bihainim eksampel bilong em?

26 NATAN

Em i Stretim King

Olsem wanem eksampel bilong Natan i skulim yumi long hau yumi inap helpim wanpela pren husat i mekim bikpela rong?

27 MEFIBOSET

Em i No Larim Hevi i Mekim Em i Belhat

Yumi inap kisim wanem gutpela skul bilong mekim gut bel yumi long Mefiboset?

28 ASA

Lotuim Jehova “Long Laip Olgeta Bilong Em”

Yumi inap kisim wanem ol skul long wanpela man husat i givim bel olgeta long Jehova?

29 ELAIJA

“God Bilong Mi Em Jehova”

Wanem samting i helpim Elaija long daunim ol pret bilong em?

30 WIDO BILONG SAREFAT

Em i Strongim Bel Long Taim Bilong Hevi

Hau stori bilong em i strongim yumi long trastim Jehova?

31 LIKLIK MERI ISRAEL

Em i Tokaut Long God Bilong Em

Pasin bilong dispela liklik gel inap strongim yu long autim tok maski yu pret.

32 ELISA

“O Jehova, Plis Opim Ai Bilong Em”

Taim yumi luksave olsem ol ensel i no stap longwe long yumi, olsem wanem dispela i strongim yumi?

33 JEHOIADA

Em i Lukautim King Em Jehova i Makim

Jehoiada i strongim bel na mekim wanem samting? Long wanem ol rot yu inap bihainim pasin bilong em long strongim bel long laip bilong yu?

34 HESEKIA

“Em i Pas Tru Long Jehova”

Hesekia i soim olsem em i gat strongpela bilip na strongpela bel. Olsem wanem yumi ken bihainim pasin bilong em long nau?

35 MANASE

Em i Strongim Bel na Tanim Bel

Bilong wanem i stret long tingim olsem Manase i stap gutpela piksa long pasin bilong strongim bel?

36 JOSAIA

Em i Stiaim Ol Manmeri i Go Bek Long Jehova

Maski em i karim hevi taim em i liklik, Josaia i strongim bel na sapotim lotu i tru. Long wanem ol rot yumi inap bihainim pasin bilong em?

37 DANIEL

‘Em i No Laik Mekim Em Yet i Kamap Doti’

Long wanem ol rot ol yangpela manmeri i ken bihainim pasin bilong Daniel long strongim bel na i stap gut long God? Olsem wanem yumi olgeta inap bihainim pasin bilong Daniel?

38 TRIPELA HIBRU

Ol i “Mekim i Dai Strong Bilong Paia”

Tripela Hibru i gat strongpela bel, maski ol inap lusim laip bilong ol. Olsem wanem pasin bilong ol inap skulim yumi long kisim pasin daun, pasin isi, na pasin bilong i stap gut long Jehova?

39 ESTA

“Sapos Mi Mas i Dai, Em Orait”

Esta i gat savetingting na pasin bilong bihainim tok. Pasin bilong em i kirapim man bilong em husat i no bilip long putim yau long em. Yumi inap kisim wanem skul long pasin bilong em?

40 NEHEMIA

Em i Wokim Gen Banis

Olsem wanem eksampel bilong Nehemia i skulim yumi long pasin bilong givim bel olgeta long mekim wok bilong Jehova? Olsem wanem ol elda inap bihainim pasin bilong em?

SEKSEN 3

Kirap Long Taim Bilong Sekaraia i Go Long Taim Bilong Aposel Jon

Dispela seksen i stori long ol man na meri i stap gutpela piksa long pasin bilong bilip na strongpela bel long taim bilong ol aposel, na stori tu bilong wanpela yangpela meri Juda husat i no bin slip wantaim ol man, nem bilong em Maria na laspela sapta bilong dispela seksen i stori long aposel Jon.

Seksen 3 Taimlain

Wanpela sat i soim haptaim bilong laip bilong ol manmeri long Baibel em Seksen 3 i stori long ol. Sat i soim tu sampela bikpela samting i kamap long taim bilong Mesaia i go inap long laspela haptaim bilong Jon.

41 SEKARAIA NA ELISABET

“Long Ai Bilong God Tupela i Stretpela Manmeri”

Wai na Jehova i tingim Sekaraia na Elisabet olsem ol i stretpela manmeri? Hau bai yumi ken bihainim wankain pasin?

42 MARIA

Em i Strongim Bel na Tok Yes

Maria i kisim wanpela bikpela wok. Olsem wanem em i strongim bel na mekim dispela wok?

43 JOSEP

Em i Lukautim Gut Famili

Olsem wanem Josep i stap gutpela piksa bilong ol papa Kristen long nau?

44 JON BILONG BAPTAIS

“I No Gat Wanpela Bilong Ol i Winim Jon”

Jon i strongpela bel na em i no gat planti samting bilong skin. Skelim skul yumi inap kisim long em.

45 PITA

“Mi Wanpela Sinman”

Yumi inap kisim wanem skul long Pita long hau yumi inap mekim yet wok bilong Jehova, maski yumi no gutpela olgeta?

46 MARIA MAKDALA

“Mi Lukim Pinis Bikpela!”

Maria i givim laip bilong em olgeta long helpim Jisas na ol disaipel bilong em. Hau bai yumi inap soim pasin sori na strongim bel olsem em i bin mekim?

47 MARIA, SUSA BILONG LASARUS

Em i “Mekim Samting Em Inap Long Mekim”

Jisas i tok amamas long Maria, susa bilong Lasarus long pasin bilong em long bilip na strongim bel. Long wanem ol rot em i soim olsem em i gat strongpela bel? Olsem wanem yumi ken bihainim pasin bilong em long nau?

48 STIVEN

“Man i Gat Strongpela Bilip na Holi Spirit”

Ol i bringim Stiven i go sanap long kot. Olsem wanem em i sambai long bilip bilong em? Pasin bilong em inap strongim yumi olsem wanem long stap gut long God?

49 PITA

Em i Kamap Man i Gat Strongpela Bel

Olsem wanem eksampel bilong Pita inap helpim yumi long trastim Jehova na daunim pasin bilong pret?

50 SOL BILONG TARSUS

Em i Senis Olgeta

Wanem samting i mekim dispela man bilong birua nogut tru long ol Kristen i senisim pasin bilong em? Yumi inap lainim wanem samting long pasin bilong em?

51 BARNABAS

“Pikinini Bilong Mekim Isi Bel”

Barnabas i strongim bel na kam helpim Sol na kisim em i go long ol aposel. Hau yumi inap bihainim pasin bilong em long strongim bel na redi long mekim wok long helpim ol narapela?

52 MAK

“Em i Gutpela Man Bilong Helpim Mi”

Maski Mak i bungim ol hevi, em i strongim bel na mekim yet wok bilong Jehova na helpim ol wanbilip Kristen. Yumi kisim wanem skul long em?

53 POL

“Nau Mi Tokim Yupela Long No Ken Pret”

Olsem wanem aposel Pol i soim pasin bilong strongim bel long taim we i luk olsem em bai dai? Hau pasin bilong em long i no pret i strongim ol narapela?

54 APOSEL JON

Strongim Bel Long Taim Bilong Hevi

Aposel Jon i no larim pret o hevi i daunim em. Hau bai yumi inap bihainim eksampel bilong em long strongim bel na wokabaut wantaim God?

LASPELA TOK

“Strongim Bel”

Baibel i pulap long stori bilong ol man na meri, ol yangpela na ol lapun, em ol i strongim bel na stap long sait bilong Jehova. Stori bilong ol inap kirapim yumi long mekim olsem tu.

Insait Fran Kava