Buk Song 27:1-14
Singsing bilong Devit.
27 Jehova em i lait bilong mi+ na em i man bilong kisim bek mi.
Bai mi pret long husat?+
Jehova em i strongpela ples hait bilong mi.+
Bai mi pret long husat?
2 Taim ol man nogut i kam bilong bagarapim mi,+Ol birua bilong mi, ol yet i pundaun.
3 Maski lain ami i wokim kem raunim mi,Bai mi no ken pret.+
Na maski sapos ol i kam pait long mi,Mi bai i no pret na surik. Nogat tru.
4 Mi bin askim Jehova long wanpela samting tasol,Em samting mi laikim tumas,Mi laik i stap long haus bilong Jehova long laip olgeta bilong mi,+Na mi amamas long lukim Jehova em i gutpela tumasNa mi amamas long lukim tempel* bilong em.+
5 Long taim bilong hevi, em bai haitim mi long haus bilong em;+Na em bai haitim mi long ples hait i stap insait long haus sel bilong em;+Long wanpela ston i stap antap tru, em bai putim mi.+
6 Nau mi winim ol birua bilong mi em ol i raunim mi;Mi bai singaut amamas na mekim ol sakrifais long haus sel bilong em;Mi bai singim ol song bilong preisim* Jehova.
7 Jehova, taim mi singaut long yu, yu mas harim singaut bilong mi;+Tingim mi na harim singaut bilong mi.+
8 Bel bilong mi i kamapim tok bilong yu olsem:
“Yupela i mas wok long painim pes bilong mi.”
O Jehova, mi bai wok long painim pes bilong yu.+
9 Yu no ken haitim pes bilong yu long mi.+
Yu no ken rausim wokman bilong yu long taim yu belhat.
Yu save helpim mi;+God, yu man bilong kisim bek mi, yu no ken givim baksait long mi o lusim mi.
10 Maski papa na mama bilong mi i givim baksait long mi,+Jehova bai lukautim mi.+
11 Jehova, skulim mi long pasin yu laik mi bihainim,+Mi gat planti birua i stap, olsem na yu mas stiaim mi long gutpela rot.
12 Yu no ken putim mi long han bilong ol birua bilong mi,+Long wanem, ol giaman witnes i kirap na birua long mi,+Na ol i tok long bagarapim mi.
13 Sapos mi no gat bilip, bai i no gat gutpela samting mi inap wet long en.
Na mi no inap lukim gutpela pasin bilong Jehova taim mi stap laip yet.*+
14 Bilip na wetim Jehova i helpim yu;+Strongim bel na no ken pret.+
Yes, bilip na wetim Jehova i helpim yu.
Ol Futnot
^ O, “haus lotu sel.”
^ O, “mekim musik long.”
^ O ating, “Mi bilip tru olsem mi bai lukim gutpela pasin bilong Jehova long taim mi stap laip yet.”