Hoe soaferan-drapolany naho ty mpagnampe aze ty mpivaly mahay miara-miasa. Mifagnampe avao iareo ndra tie misy raha sarotse aza, fa tsy sambe manao ty aze.

TORO LALA TY BAIBOLY: “Tsy roe sasa iareo fa nofotse raike avao.”​—Matio 19:6.

“Tondro raike hoe tsy mahapike hao. Tsy maintsy miara-miasa ka ty mpivaly naho te hanagne tokatragno sambatse.”​—Tovo.

Naho fa tsy mahay miara-miasa o mpivalio, le ho mora amy iareo ty hifagnomey tsiny naho fa mifamale. Ndra ty raha tsy misy dika’e aza, le hanjare olagne lahibey.

‘Tena mila miara-miasa areke ty mpivaly, fa naho tsy izay le hanjare hoe mpiharo tragno avao iareo. Ho sahiragne iareo naho fa misy fanapahan-kevetse lahibey ho rambese iareo.’​—Toly.

FANTARO RETOA

• Akore ty fahatreavako ty karamako? Volako “irery” sa vola’ay mirovaly?

• Ie vao raho tsy agnila i valiko eo vaho izay afa-po naho fa misy raha ataoko?

• Mivibìke amo o longom-baliko reo vao raho ndra tie mifandrambe bey amy iareo aza ty valiko?

MIREHAFA AMY I VALI’O

• Naho fa manao ino tika roe vaho izay tena mahay miara-miasa?

• Naho fa manao ino tika vaho izay tsy tena mahay miara-miasa ndra mbe mila mikezake?

• Ino iaby ty azontikagne atao mba hahavy antikagne hahay miara-miasa soa?

SOSO-KEVETSE

• Eretsereto tie miarake mihisa nareo mirovaly sady ekipa raike avao fa tsy mifaninagne.

• Ko mieretseretse tie: ‘Ino ty toko’e hataoko mba handreseagne aze?’ fa tihoe: ‘Ino ty toko’e hatao’ay mba handresea’ay?’

“Ko mifagnomey tsiny tie ia ty maregne ndra ia ty diso. Ty raha tena lahibey le tihoe, milongo soa sady miharo saigne nareo roe.”​—Vorisoa.

TORO LALA TY BAIBOLY: “Manoa ze hahasoa ty hafa ty tsikiraikiraike ama’areo fa tsy ze hahasoa ty vatan-tegna’e avao.”​—Filipianina 2:3, 4.