Bey hatea ty Andrianagnahare. Faie nagnino o fivavahagne mirehake tie manompo azeo ro manao raha raty maro? Manao izay iareo satria diso ty fivavaha iareo, sady mahavy o ndatio hino vande miomba an’Andrianagnahare ty raha atao iareo. Akore ty atao iareo? Akore ty fivazohoan’Andrianagnahare ty raha atao iareo? Hatao’e akore o fivavahagne rehoe?

1. Akore ty ahatreavagne fa magnafa-baraka an’Andrianagnahare ty raha ampianare o fivavahan-disò?

‘Natakalo o fivavahan-disò vande ty hamarenan’Andrianagnahare.’ (Romanina 1:25) Ty ankamaroa o fivavahagneo ohatse tsy mampianatse ty mpivavake ama’e ao ty tahinan’Andrianagnahare. Faie rehafe ty Baiboly fa tsy maintsy mampiasa ty tahinan’Andrianagnahare tikagne. (Romanina 10:13, 14) Naho fa misy loza miseho, le mirehake ty mpitarike fivavahagne ila’e tie izay ty lahan’Agnahare. Faie vande zay. Faly an’Andrianagnahare ty hanao raty. (Vakio ty Jakoba 1:13.) Mampalahelo fa manjare tsy tea an’Andrianagnahare ty ndaty ila’e noho ty raha diso ampianare o fivavahagneo.

2. Akore ty ahatreavagne fa magnafa-baraka an’Andrianagnahare ty raha atao o fivavahan-disò?

Teà i Jehovah o ndatio faie tsy manahake izay ty raha atao o fivavahan-disò amo o ndatio. Rehafe ty Baiboly ‘fa avy hatrake an-dagnitse agne ty hamaro ty fahota’ o fivavahan-disò. (Apokalypsy 18:5) Nanao politike sady nanohagne o alio o fivavahan-disò tagnate ty taonjato maro. Noho ty raha natao iareo, le tena nimaro ty ndaty nimate sady maro ka ty ndaty vinono iareo. Ty mpitarike fivavahagne ila’e ka te ho mpagnarivo, le ampandoave’e vola ty mpivavake ama’e ao. Izay ty porofo fa tsy mahafantatse an’Andrianagnahare iareo, le tsy managne zo hisolotegna aze.​—Vakio ty 1 Jaona 4:8.

3. Akore ty fivazohoan’Andrianagnahare o fivavahan-disò?

I rehe aza tsy tea ty raha atao o fivavahan-disò, somandrake fa i Jehovah! Tea’e o ndatio, faie mahavignetse aze ty raha atao o mpitarike fivavahagneo satria magnafa-baraka aze sady mampijale ty mpivavake ama’e ao iareo. Mampitamà reke fa horava’e o fivavahan-disò sady “tsy ho trea sasa.” (Apokalypsy 18:21) Kele sisa, le ho foagna’e o fivavahan-disò iaby.​—Apokalypsy 18:8.

 ANDAO HANDINEKE TY PITSOPITSO’E

4. Tsy ze kila fivavahagne ro ekén’Andrianagnahare

Maro ty ndaty mihevetse tie o fivavahagneo avao ro sambe hafa fa Andrianagnahare raike avao. Mitovy amy tihoe ty lalagne orihegne ro sambe hafa fa ty toeragne hombagne raike avao. Maregne vao zay? Vakio ty Matio 7:13, 14, sady iharò midineke ty fagnonteneagne toy:

• Naho ty Baiboly ro henteagne, manao akore ty lalagne mbamy i havelogney mbeo?

Alefaso i VIDEO oy, sady iharò midineke ty fagnonteneagne toy.

• Mampianatse vao ty Baiboly fa ekén’Andrianagnahare iaby ze kila fivavahagne?

 6. Tean’Andrianagnahare hampeagne hiala boake amo o fivavahan-disò ao o ndatio

Vakio ty Apokalypsy 18:4, a sady iharò midineke ty fagnonteneagne toy:

• Ino ty tsapa’o naho fa fanta’o tie tean’Andrianagnahare hampeagne hiala boake amo o fivavahan-disò ao o ndatio?

7. Tohizo avao ty fianara’o miomba i Andrianagnahare maregney

Toko’e hahavy azo halaigne an’Andrianagnahare vao ty raha atao naho ty raha rehafe o fivavahan-disò? Eretsereto tie misy ajalahy raike tsy magnorike ty rehan-drae’e. Niala tan-tragno ao reke, le nanao raha raty maro. Tena tsy tean-drae’e i raha raty natao’ey. Nagnino ro tsy toko’e homeagne tsiny ty baba’e amy i raha raty natao i ana’eỳ?

• Rare’e vao naho meagne tsiny ty Jehovah sady ajano’o ka ty fianara’o miomba aze noho ty raha raty atao o fivavahan-disò?

 FAMINTIGNAGNE

Magnafa-baraka an’Andrianagnahare ty raha diso ampianare o fivavahan-disò naho ty raha atao’e. Horavàn’Andrianagnahare o fivavahan-disò.

Fameregnagne

• Akore ty fahatreava’o ty raha ampianare o fivavahan-disò naho ty raha atao’e?

• Akore ty fivazohoa i Jehovah o fivavahan-disò?

• Hataon’Andrianagnahare akore o fivavahan-disò?