Yaandikilue na Marko 16:1-8
-
Yesu wafufuka (1-8)
16 Sabata luyaapitile, Maria Magdalene, Maria mama wakue kwa Yakobo, ni Salome, baasitile bintu bili byanunkila* evi baye basube ku mubili wakue Yesu.
2 Kabili, busiku bwa kwanza bwa juma, lukele-keele paakili sana koba lukaali kasyatula, baaile ku mankabuli.*
3 Baali baipuziana evi: “Ale nani ali kuya kutubulunkunsizia libue lifume pa lipulo lya mankabuli?”
4 Inzi, lubaakentele pa mulyango wa mankabuli, baamwene nangue libue libanga lyabulunkusiiziwe, ata sie kine libanga lyali likata sana.
5 Lubaaingiile mu mankabuli, baamwene mulumendo umo waikeele ku bwala bwa kulio wavwele nkanzu yasue, kabili baapapile sana.
6 Waabalandile evi: “Tekupape sana. Manine nangue muli mukumukeba Yesu wa ku Nazareti olia waaipailue pa kimuti. Waakifufulua. Tali panu. Mone, papa i pa fwasi pabakiba bamulaalikile.
7 Inzi endo mwaye, muye mubabwile basambi bakue ni Petro nangue ‘Wene wamitangilila ku Galilaya, mwakaba kumumona koko, nga evelia sie vyaamilandile.’”
8 Pa kako, lubaafumine panze pa mankabuli, baafotomokele bali mukututuma na mwenzo kabili bapapile. Te baabwilileko ata muntu, pantu baali baunvwile mwenzo.*
Bulondolozi bwa Pensina
^ Pudre ao mani ni mafuta belia bili byabombiiwa juu ya kuteaniziako mubili wa kuziika.
^ Ao, “mankabuli a kulangulukua.”
^ Kukonkana ni malembo aswapiilue a ku ntendeko, Mpunda Iweme Yaandikilue na Marko ipeleziizie na milandu ili mu mulongo wa 8. Mona Bulondolozi Bunge bwa A3.
