BAKAPOKELELA Bakapokelela bapeelue miilo ya kukukwasia. Twapapaata, unvwana nabo bwino kupitila kunakila butunguluzi bwabo palua parkingi, kwingila ni kufuma kwa libumba lya bantu, palua kusungilana bitebe, ni palua bintu binge.

BINTU BIZEZELE NI BYAAMONEKANGA Kine watoola kintu kyaazezanga kiusimanine mwine, twapapaata kitwale ku Biro ya Bintu Bizeezele ni Byaamonekanga. Kine waazezianga kintu, endo ku ezio biro ni kulanda palua bintu biwaazezianga. Baana baazezuanga fwasi kuli bavyazi babo ni kuzeza, bapalile kutwalua ku ezio biro. Inzi, evi aali ezio ili yaemia bantu bonse te kuti ize, twapapaata sunga baana bobe, kabili sininkizia nangue wikeele nabo.

BITEBE BYA KWIKALAPO Twapapaata, emenako ni bange. Languluka nangue, kunti wasunga bitebe pa kwikala sie wewe ni lupua lobe ni baalia bawakiza nabo mu motoka umo, bawikeele nabo mu nsesi imo ao baalia bauli wasambilila nabo Bibilia. Twapapaata, te kubiika bintu pa bitebe biusisungile ao kusungilana.

BUKWASI BWA MAMBO Mana nangue ezi biro ili yabomba evi kukita matunzo a ntendeko sie.

BULONGIO Nfalanga ingi sana yakibombiiwa evi kupata bitebe biweme bya kwikalapo, biombo bya kukwasia kuzanzula mazui, biombo bya kumwenako video, ni miilo inge ingi ya kukwasia konu kulonghaana kuye kwaweme, kabili ni kutukwasia tukile kumupalama Yehova. Bulongio bobe bwa kwitonena buli kukwasia kulipila ma depanse azo engi ni kabili kukwasia miilo ya kyalo kyonse. Evi kuleengia miilo, bisanduku bya bulongio bili mu nkende yonse pa fwasi ya kulonghaana. Kabili, kunti walongia kupitila Enternete pa donate.jw.org. Bulongio bonse, bumwenue kuya bwali bwa mana sana. Kabungue Kali Katungulula katonene kukutasia palua kulongia kobe kwa kwitonena evi kukwasia miilo ya Bukolo.

LUBATIZIO Fwasi ya kwikalapo baalia bakubatiziiwa yakaba kuteaniiwa ku ntanzi ya jukwa, kine kuli mipango inge, kako kakaba kulangililua. Baalia bakubatiziiwa bapalile kwikala paapo, ntanzi ya lyasi lya lubatizio kutendeka Nsiku ya Sita lukele-keele. Kila umo apalile kutwama ngubo ya kwipukuswilako ni ngubo ya kubatiziiziwamo ipalile.

MIILO YA KWITONENA Kine utonene kukwasia miilo ili mukukitika palua konu kulonghaana, twapapaata twala mpunda yobe ku biro ya Mpunda ni Miilo ya Kwitonena.

Kuteaniiziwe na Kabungue Kali Katungulula ka Bakasininkizia Bakue Yehova