Isaia 49:1-26
49 Më dëgjoni, o ishuj,dhe kushtoni vëmendje, o kombe të largëta!+
Jehovai më ka thirrur që para se të lindja.*+
Që kur isha në bark të nënës, e përmendi emrin tim.
2 Ai e bëri gojën time si një shpatë të mprehtë;më mbuloi me hijen e dorës së tij.+
Më bëri si një shigjetë të lëmuar;më fshehu në kukurën e tij.*
3 Ai më tha: «Ti je shërbëtori im, o Izrael;+nëpërmjet teje do ta pasqyroj shkëlqimin tim.»+
4 Unë thashë: «Kot u robtova.
E harxhova fuqinë më kot, për gjëra pa vlerë.
Por, me siguri, mua do të më gjykojë Jehovai,*Perëndia im do të më shpërblejë.»+
5 Dhe tani, Jehovai, Ai që më formoi që në bark të nënës si shërbëtorin e tij,më ka thënë ta kthej Jakobin tek ai,që Izraeli të mblidhet pranë tij.+
Unë do të lëvdohem në sytë e Jehovait,Perëndia im do të jetë bërë forca ime.
6 Ai më tha: «Nuk mjafton që je shërbëtori impër të ngritur fiset e Jakobitdhe për t’i kthyer të mbijetuarit nga Izraeli.*
Të kam vënë edhe si dritë të kombeve,+që shpëtimi im të arrijë deri në skajet e tokës.»+
7 Jehovai Riblerësi i Izraelit, i Shenjti i tij,+ i thotë atij që e përbuzin,+ që kombet e urrejnë, shërbëtorit të sundimtarëve:
«Mbretërit do të shohin e do të ngrihen në këmbëdhe princat do të përkulenpër shkak të Jehovait, që është besnik,+për shkak të të Shenjtit të Izraelit, që të ka zgjedhur.»+
8 Kështu thotë Jehovai:
«T’u përgjigja në një kohë të favorshme*+dhe të ndihmova në një ditë shpëtimi.+
Të ruaja për të të dhënë si besëlidhje për popullin,+për të ripërtërirë vendin,për të marrë në zotërim trashëgiminë e shkretuar,+
9 për t’u thënë të burgosurve: ‘Dilni’,+dhe atyre që janë në errësirë:+ ‘Dilni në dritë.’
Ata do të ushqehen përgjatë rrugëvedhe kullotat e tyre do të jenë nëpër shtigje të rrahura.*
10 Nuk do t’i marrë as uria e as etja,+nuk do të vuajnë më as nga vapa përvëluese e as nga dielli,+sepse Ai që ka mëshirë për ta, do t’u prijë+e do t’i çojë te burimet e ujit.+
11 Të gjitha malet e mia do t’i kthej në udhëdhe rrugët e mia do të jenë të ngritura.+
12 Ja, disa po vijnë nga larg,+disa nga veriu dhe perëndimie disa të tjerë nga vendi i Sinimit.»+
13 Brohoritni me hare, o qiej, dhe gëzo, o tokë!+
Malet le të gëzojnë me britma hareje,+sepse Jehovai e ka ngushëlluar popullin e tij.+
Ai u tregon mëshirë njerëzve të vet të munduar.+
14 Por Sioni thoshte:
«Jehovai më ka braktisur.+ Jehovai më ka harruar.»+
15 A mund ta harrojë një grua foshnjën e gjiritdhe të mos i dhimbset fëmija i barkut?
Edhe sikur ato të harrojnë, unë nuk do të të harroj kurrë.+
16 Ja, unë të kam skalitur në pëllëmbët e duarve të mia.
Muret e tua i kam gjithnjë para syve.
17 Bijtë e tu nxitojnë për t’u kthyer.
Ata që të rrafshuan e të shkretuan, do të ikin prej teje.
18 Ngri sytë e shih përreth.
Të tërë po mblidhen+ e po vijnë te ti.
Jehovai thotë: «Siç është e vërtetë që unë rroj,ti do të zbukurohesh me të gjithë ata, sikur të ishin stolie do të vishesh me ta siç bën një nuse.
19 Megjithëse vendet e tua ishin të rrënuara e të shkretuara dhe toka jote ishte gërmadhë,+tani do të bëhet tepër ngushtë për të banuar,+kurse ata që të gllabëronin,+ do të jenë larg.+
20 Fëmijët që të lindën, kur vajtoje për bijtë e humbur, do të të thonë:
‘Këtu jemi tepër ngushtë;na bëj vend që të banojmë.’+
21 Atëherë do të thuash:
‘Po këta, kush m’i lindi,përderisa unë jam grua e mbetur pa fëmijë dhe shterpë,e çuar në mërgim dhe e burgosur?
Kush i rriti?+
Kisha mbetur krejt e vetme,+prandaj nga kanë ardhur këta?’»+
22 Kështu thotë Zotëria Sovran Jehova:
«Ja, unë do t’u bëj shenjë me dorë kombeve,e do të ngre një sinjal* për popujt.+
Ata do t’i sjellin bijtë e tu në krahë*e do t’i mbajnë bijat e tua mbi supe.+
23 Mbretërit do të bëhen kujdestarët e tu+dhe princeshat e tyre do të jenë tajat* e tua.
Ata do të përkulen para teje me fytyrën përdhe+dhe do të lëpijnë pluhurin e këmbëve të tua.+
Kështu ke për ta marrë vesh se unë jam Jehovai;ata që shpresojnë tek unë, nuk do të turpërohen.»+
24 A mund t’i merret vallë preja një të fuqishmi?
A mund t’i shpëtosh robërit nga tirani?
25 Por kështu thotë Jehovai:
«Robërit do t’i merren edhe një të fuqishmi,+dhe ata që ka zënë pre tirani, do të çlirohen.+
Unë do t’i kundërvihem kujtdo që të kundërvihet+dhe do t’i shpëtoj bijtë e tu.
26 Ata që të keqtrajtojnë, do t’i bëj të hanë mishin e vet,do të dehen me gjakun e vet, sikur të ishte verë e ëmbël.
Çdo njeri* ka për ta marrë vesh se unë jam Jehovai,+Shpëtimtari+ dhe Riblerësi yt,+i Fuqishmi i Jakobit.»+
Shënimet
^ Fjalë për fjalë «që në bark».
^ Ose «në këllëfin e tij me shigjeta».
^ Ose «Jehovai do të më sigurojë drejtësi».
^ Ose «ata nga Izraeli që kanë qenë mbrojtur».
^ Ose «të pranueshme».
^ Një mundësi tjetër «nëpër kodra të zhveshura».
^ Fjalë për fjalë «në gji».
^ Ose «një shtyllë sinjalizuese».
^ Ose «dadot».
^ Fjalë për fjalë «Çdo mish».
