Gue na tënë ti yâ ni

“Mbi sara ye kue so mbi peut ti sara ti voro Jéhovah”

“Mbi sara ye kue so mbi peut ti sara ti voro Jéhovah”

Irma ayeke mbeni wali so avivre na Allemagne, na lo ga nduru ti wara ngu 90 awe. Na peko ti so lo tï sioni fani use nga a sara na lo gbâ ti a-opération, lo peut encore pëpe ti fa tënë ti Nzapa da na da tongana ti so lo yeke sara kozo. Fadeso Irma ayeke fa tënë ti Nzapa na lege ti alettre so lo yeke sara, si lo yeke tokua na afami ti lo nga na azo so lo hinga ala. Alettre so lo sara ti encouragé azo nga ti tene condoléance na ala so aperdre mbeni zo ti ala anzere na azo ni mingi, a sara si ala yeke iri ka lo mingi ti hunda lawa la lo yeke tokua mbeni lettre ni encore. Azo atokua nga na lo gbâ ti alettre ti tene na lo merci, na ala yeke hunda na lo ti kiri ti sara ambeni lettre ni. Irma atene: “Aye so kue asara si mbi yeke na ngia nga amû lege na mbi ti ngbâ ti fa tënë.”

Irma ayeke tokua nga alettre na azo so aga mbakoro. Lo tene: “Mbeni mbakoro-wali airi mbi na téléphone, na lo tene na mbi so lettre so mbi tokua na lo adë bê ti lo mingi na peko ti kuâ ti koli ti lo. Lo bata lettre ni na yâ ti Bible ti lo na fani mingi lo yeke diko ni na lakui. Mbeni wali ni nde, so koli ti lo akui ade aninga ape, atene so lettre so mbi tokua na lo a-aidé lo mingi ahon fango tënë ti aprêtre. Lo tene so lo yeke na gbâ ti ahundango tënë so lo ye ti wara kiringo tënë ni, nga lo hunda mbi wala eskê lo peut ti ga ti bâ mbi?”

Mbeni zo so Irma ahinga lo, so ayeke Témoin ti Jéhovah ape, aquitté ague na mbeni ndo so ayo. Lo hunda na Irma ti tene Irma atokua na lo lettre. Irma atene: “Wali ni abata alettre kue so mbi tokua na lo. Na peko ti so lo kui, molenge ti lo ti wali airi mbi. Lo tene so lo diko alettre kue so mbi tokua lani na mama ti lo, na lo hunda na mbi ti tokua nga na lo mara ti alettre ni so.”

Irma aye fango tënë na lege ti alettre mingi. Lo tene: “Mbi hunda na Jéhovah ti ngbâ ti mû na mbi ngangu ti sara kua ti lo. Atâa so mbi peut ti fa encore tënë da na da ape, mbi sara ye kue so mbi peut ti sara ti voro Jéhovah.”