Hi vamani lava pfumeleliwaka ku va kone?

Ku yamukeliwa vhanu hinkwavu. Ntsrhunxeka ku buya ni ndangu waku kumbe ku zramba vanghanu vaku.

Xana xiyentxakalu lexi xi ta teka nkama muni?

Xi ta teka kolomu ka wora dzrin’we.

Xi ta hambeliwa kwini?

Bula ni mun’we wa Timboni ta Yehovha akuva u tiva lomu xi taka hambeliwa kone a mugangeni waku.

Xana ku hakeliwa swa kukazri akuva u nghena?

Im-him.

Xana ku ta fambisiwa xiparatwana xa minhlengo?

Im-him. A ku hambiwi minhlengo ka mintlhanganu yezru.—Matewu 10:8.

He wani mayambalela lawa ma pfumeleliwaka?

A ku na mpahla ya kukazri hi ku kongoma leyi hi fanelaka ku yambala yone, kambe Timboni ta Yehovha ti yambala hi ndlela leyi kombisaka xihlonipho ka xiyentxakalu lexi xa lisima.

I yini leswi taka yentxiwa ka Xidzrimuxo?

A ntlhanganu wu sungula wu tlhela wu gama hi lisimu. Ntsrhaku ka lisimu mun’we wa Timboni ta Yehovha a hamba xikhongoto. Nakone ku bekiwa wukaneli lebyi vulavulaka hi lisima dzra lifu dzra Yesu ni ndlela leyi hi nga pfunekaka ha yone hi leswi Xikwembu Nkulukumba na Yesu va hi yentxeliki swone.

Akuva u dondzra leswi yengetelekiki vona nhlokomhaka leyi liki “Hi Mhaka Muni Timboni Ta Yehovha Ti Nga Yendli Xilalelo Xa Hosi Ku Fana Ni Tikereke Tin’wani?”

A Xidzrimuxo xi ta hambiwa hi masiku wani ka malembe lama taka?

2026: Wawumune, 2 ka Abrili

2027: Musumbuluku, 22 ka Marsu