Да, вой сжалпэ ла наукаса. Андэ Библия вся точно ԥэнэнпэ пала наука, хоть када и най книжка, па сави сытён и учони. Кода, со пистромэ андэ Библия на сжаласпэ кодэлэса, андэр со патянас и мануша андэ кодэя время, сар пистронас ла. Роздиқам дэсавэ примероря, савэ сыкавэн, кай и Библия драго сжалпэ ла наукаса.

•   Дэсавэ ԥэнэнас, кай вся появисайля корко пэстар. Авэр ԥэнэнас, кай вся ляпэ анда фартэ баро парноро. Вавилоняноря патянас, кай и дэвла, савэ стердэ и люма, вижылэ анда дуй океаноря. Ай андэ Библия пистромэ, кай кода, со исин по нэбо и пэ ԥув, исин начало (Бытие 1:1).

•   Па вся и ԥув и разни народоря патян кодэлэсти, кай лэн на обжала о ԥаримос и биды, савэ терэн лэндирэ дэвла, важ кода кай лэндирэ дэвлэнди кадя камэлпэ. Но андэ люма, вся терэл па законоря, савэ стодя о чачуно Дэл (Иов 38:33; Иеремия 33:25).

•   О миро патялас, кай и ԥув ровно диско, саво ритярдёлпэ по баро великано или по варисаво жывотно, например, када гурув, или черепаха. Ай андэ Библия пистромэ, кай и ԥув ни пэр со на ритярдёлпэ (Иов 26:7).

•   И ӷрекоря гиндонас, кай о океано прожал тала ԥув и попэрэл андэ лэна, через када пэ ԥув на кончийпэ о паи. Кадя гиндонас жы каринг о 18 вико. Ай андэ Библия пала када сас пистромэ па аврятэ. Андэр латэ пистромэ, кай о қам ԥабарэл и андэ лэна татёл о паи. Через када ваздэлпэ о паро и терэнпэ тучи. И тоди лэл тэ жал пэ ԥув о брышын, йв и ӷрадо, важ када и на кончийпэ пэ ԥув о паи (Иов 36:27, 28; Экклезиаст 1:7; Исаия 55:10; Амос 9:6).

•   И мануша вигиндосардэ, кай лэндирэ дэвла стердэ и плая, кацавэ, сар и плая исин адес. Ай па чачимастэ и плая, савэ адес исин, варикала сас тала паи. И плая то ваздэнпэ, то змэкэнпэ (Псалом 104:6, 8).

•   Андэ Библия пистромэ, кай о Дэл приԥэндя лэ израильтянонэнди тэ наён посли кода, сар линэпэ кай о муло мануш. Инке приԥэндя, кай тэ ритярэн о карантино, кала кай о мануш исин насвалимос, саво пэрэжал аврэндэ. Кадяжэ о Дэл приԥэндя, кай о мануш тэ притидэл пала пэстэ, сар сԥирэл (Левит 11:28; 13:1—5; Второзаконие 23:13). Но андо Египто андэ кодэя жэ время терэнас мазь анда када жэ и макэнас и раны.

 Да, сжалпэ. И годявэрнэ мануша розуӷанглэ и полинэ, кай и Библия точно.

 И мануша вигиндосардэ, кай андэ Библия пистромэ, кай и люма стердэ важ и обычни шов деса.

 Но па чачимастэ, андэ Библия на ԥэнэнпэ скати время о Дэл терэлас и люма (Бытие 1:1). Пэ время, сави ужалас, кай о Дэл тэ стерэл и ԥув и о нэбо, ԥэнэнпэ «дес» (Бытие 2:4). Но о «дес» жалас долӷо, но скати, нико на ӷанэн.

 И мануша вигиндосардэ, кай андэ Библия пистромэ, кай вся, со барёл, и витки и цвиторя, и чар, вся появисайля англа кода, сар инке на сас о қам (Бытие 1:11, 16).

 Но па чачимастэ, андэ Библия пистромэ, кай сар пэ ԥув инке нисо на барёлас, о қам ужэ сас, сар ек анда черӷая, савэ по нэбо (Бытие 1:1). О свето лэ қамэстар ля тэ дожал пэ ԥув, кала о Дэл кати заля вся тэ терэл. Кала прожыля дэсави время, о свето ля май бут тэ попэрэл пэ ԥув. И када хутилэлас, кай и растении и витки тэ барён (Бытие 1:3—5, 12, 13). И кати, сар прожыля бут время, о қам ля драго тэ дицол па ԥув (Бытие 1:16).

 И мануша вигиндосардэ, кай андэ Библия ԥэнэнпэ, кай о қам болдэлпэ круӷом и ԥув.

 Но па чачимастэ, андэ Экклезиаст 1:5 ԥэнэнпэ: «О қам ваздэлпэ и о қам зажал и грабийпэ каринг кодэва ҭан, кай упалэ тэ ваздэлпэ». Но када кадя кати, сар амэ диқас па ԥув. Адес амэ кадяжэ дас дума, «о қам ваздэлпэ» и «о қам зажал», ай па чачимастэ амэ ӷанас, кай када и ԥув болдэлпэ круӷом қам.

 И мануша вигиндосардэ, кай андэ Библия пистромэ, кай и ԥув ровно.

 Но па чачимастэ, андэ Библия исин кацавэ алава: «жы кай само дурутнэ ҭана пэ ԥув». Када сыкавэл, кай када фартэ дур, но када на ԥэнэн, кай и ԥув ровно и латэ исин краёря (Деяния 1:8). Кадяжэ андэ Исаия 40:22 ворта пистромэ, кай и ԥув круӷло.