Жы бэятостар мэ любисаравас и природа. Амэ часто виладасас лэ ереса пала форо и котэ сас шукарнэ вэша и лэна. Кадэва ҭан сас найдур амарэ форостар, кай амэ жувасас андо Ювяскюля, андэ Центрально Финляндия. Кала мэ сымас цынёнё, мэ фартэ камавас тэ облав кажнонэ хортикос и кажнона мыцыца, савэн диқавас. Кала мэ подбарелэм, мэ додиқлэм, сар и мануша найдраго обжанпэ лэ жывотнонэнца. Када фартэ ля ман лэ одестар. Тоди мэ жылэм андэ арӷанизацыя, сави фэрияс лэ жывотнонэн. И мэ лэм лэнца тэ терав ек дила, важ кода кай вонэ гиндонас кадяжэ, сар и мэ.

Амэ самас против, кай умарэн лэ жывотнонэн и терасас вся, кай тэ сыкавас када. Амэ вижасас пэ вулица и протестовали. И на камасас, кай андар лэндэ тэ терэн и кирпы лэ мехоса, ай кадяжэ тэ проандярэн пэр лэндэ и опыторя андэ лаборатория. Тоди амэ ԥэрнадям пэстири арӷанизацыя, кай тэ фэрисарас лэ жывотнонэн. Амэ часто терасас када най па законо и через када амэн залэнас и рая. Кадяжэ ман най еқвар сындонас.

Мэ кадяжэ гиндосаравас най кати пала жывотни, ай кадяжэ и пала кода, со терэласпэ андэ люма. Мэ лэм тэ терав ек дила ла арӷанизацыенца, пэ савэ ԥэнэн «Международная амнистия» и «Гринпис». Мэ лэм тэ отдав вся пэско зор, кай тэ подритярав кадэя дила. Мэ зашаваспэ андэ дума пала чорорэ и пала кодэла, кастэ нисо нинай.

Хоть кай и арӷанизацыи и вижалас варисо тэ терэн, но сар сас май барэ биды, вонэ нащи улэнас лэн. И здэласпэ, кай о ԥаримос ашэлас инке май бут. И мэ полэм, кай мэ нисо на парувава андэ кадэя люма. Здэласпэ, кай о найлашимос ашэл инке май бут и май бут и никастэ нинай каринг када дила. Мандэ умэкэнаспэ и вас.

Мэ на ӷанавас, со тэ терав. Тоди лэм тэ загиндосавав пала Дэл и пала Библия. Варикала манца ужэ адинонас и Библия лэ Иеговастирэ свидетеля. Вонэ лашэ мануша, драго виашунэнас и полэнас ман. Но андэ кодэя время мэ на камавас нисо тэ парував андэ мэрни жызня. Акана вся ашэля па аврятэ.

Мэ дорэслэм мэрни Библия и лэм тэ адиносарав ла. Манди сас кадя драго, ԥэнэса, цыл жыля па оди. Мэ шутэм сама пэ ек стихо анда Библия, Притчи 12:10. Котэ ԥэнэнпэ: «О праведно заботийпэ пала пэстири худоба». Вижал, кай о Дэл камэл, кай о мануш тэ заботийпэ пала жывотни. Кадяжэ мэ полэм, кай о Дэл найдошало андэ биды и ԥаримос, саво адес исин кай и мануша. О ԥаримос ашэл май бут, важ кода кай и мануша на кандэн лэ Дэвлэс. Кала мэ уӷанглэм, саво о Иегова любящё и сар во ӷанэн тэ аштярэл, када ман фартэ ля лэ одестар (Псалом 103:8—14).

Варикай андэ кадэя жэ время, мэ арақлэм купоно и заԥэндэм пар лэстэ книжка «Сости сытярэл амэн и Библия?». Посли када, каринг мандэ авелэ лэ Иеговастирэ свидетеля и мэ упалэ лэм тэ сытював па Библия, ай инке лэм тэ ԥирав пэ собрании. Через када о чачимос пала Дэл ашэля май пашэ мэрнэ одести.

И Библия фартэ парудя мэрни жызня. Мэ парашэлэм тэ цырдав, тэ пав и тэ акушавпэ. Кадяжэ мэ лэм тэ утидавпэ па аврятэ и тэ следисарав пала пэстэ и лэм тэ став патив пэ власти (Римлянам 13:1). Мэ парашэлэм тэ андярав билажаварди жызня. Раньшэ важ мандэ на сас нисавэ запреторя, мэ теравас вся, со камавас.

Со май ԥарэс сас тэ парашав тэ подритярав и арӷанизацыи, андэ савэ мэ сымас. Важ кода кай по ди мандэ сас кацаво, ԥэнэса, мэ лэн придав. Мандэ вижыля када, но най важ ек дес. Мэ полэм, кати через лэ Дэвлэско Царство авэла мирно пэ вся и люма. Мэ пристодэм вся пэско зор, кай тэ поможысарав лэ манушэнди тэ уӷанэн пала кадэва Царство (Матфея 6:33).

Через кода, кай мэ долӷо время залаваспэ кадэла диласа, мэ присытелэм тэ диқав пэ мануша, сар пэ лашэ и пэ найлашэ. Мэ жавас против кодэла, пала кастэ гиндосаравас, кай вонэ найлашэ. Но через кода, со пистромэ андэ Библия, мэ парашэлэм тэ вэрыцысарав лэ манушэн. Акана, мэ пристав вся пэско зор, кай всаворэ мануша тэ авэн важ мандэ куч (Матфея 5:44). Ек, сар мэ моӷу када тэ сыкавав, тэ росԥэнав пала лэ Дэвлэско Царство. Мэ радо тэ терав и дила, через сави лэ манушэндэ исин чачуни бах и через сави аштярас о лашимос англэ.

Через кода, кай мэ лэм тэ патяв лэ Иеговасти, мандэ ашэля спокойно по ди. Мэ патяв, кай о Дэл на домэкэла, кай полностью тэ римон и ԥув, и кай авэла время, кала парашэна тэ терэн вэрыто и лэ манушэнди и лэ жывотнонэнди (Исаия 11:1—9). Акана, мэ на гиндосарав пала пэстэ фартэ бут, кай мэ трэбуй тэ парував и люма. Мэ фартэ бахтало, кай ӷанав о чачимос пала Дэл и поможысарав аврэнди тэ патяв андэ када.