1, 2. Со тэ терас, кай лэ Иеговасти тэ чалёл амари поклонения?

 СО ТУМЭНДИ авэл по гиндо, кала тумэ ашунэн о алав «поклонения»? Дэсавэ прецтавляют, сар о ԥрал бэшэл пэ чанга паша пэстири кровать и мангэлпэ лэ Иеговасти. Ай варико гиндой пала ери, саво лошаса изучает и Библия.

² И о ԥрал, и о ери тэлён лэ Иеговасти. Но чалёл лэ Дэвлэсти лэндири поклонения? Да, если вонэ тэлён лэсти кадя, сар во камэл, анда вся оди любин лэс и стон патив пэр лэстэ. Амэ фартэ любисарас лэ Иеговас и полас, кай во достойно, кай амэ тэ тэлювас лэсти. И амэ камас тэ отдас лэсти андэ служэния со май лашо.

3. Пала со амэ подаса дума андэ кадэя статья?

³ Андэ кадэя статья амэ роздиқаса, сар андо дэлмутно Израилё и мануша тэлёнас лэ Иеговасти. Инке амэ уӷанаса восемь маменторя, савэ ужан андэ амари поклонения лэ Иеговасти адес. Ай кадяжэ подаса дума, со амэ можэм тэ парувас, кай амари поклонения тэ авэл имено кацави, сар камэл о Иегова, и васо кадэлэстар амэ аваса бахталэ.

ПОКЛОНЕНИЯ АНДЭ ДЭЛМУТНИ ВРЕМЯ, САВИ ЧАЛЁЛАС ЛЭ ИЕГОВАСТИ

4. Сар и мануша андэ дэлмутни время сыкавэнас каринг о Иегова любовь и бари патив?

⁴ Андэ дэлмутни время о Авелё, о Ноё, о Авраамо и о Иово любинас лэ Иеговас и стонас патив пэр лэстэ. Сар када дицолас? Вонэ патянас андэр лэстэ, кандэнас лэс и анэнас лэсти жэртвы. Хоть андэ Библия на ԥэнэнпэ подробно, сар вонэ тэлёнас лэ Иеговасти, амэ можэм тэ авас уверени, кай вонэ стонас пэр лэстэ бари патив и  кай лэндири поклонения сас уӷодно лэ Дэвлэсти. Потом о Иегова дя лэ Авраамостирэ потомконэнди лэ Моисеёско законо, кай драго росԥэнэнаспэ, сар трэбуй тэ тэлён лэ Иеговасти.

5. Сар о Иегова камэлас, кай лэ Христостирэ ученикоря тэ тэлён лэсти?

⁵ Кала о Иисусо муля и рисайля каринг и жызня, лэ Иеговастирэ служытеля ужэ на трэбуй сас тэ жувэн па лэ Моисеёско законо (Рим. 10:4). О Иегова дя лэ манушэнди авэр законо — «лэ Христоско законо» (Гал. 6:2). Андэ кадэва законо нинай бут правила, со можно тэ терэн, ай со най. И христианоря трэбуй тэ сытён лэ Иисусостар и тэ жувэн кадя, сар во сытярэлас. Адес амэ тожэ радосарас лэ Иеговас, кала анда вся оди служысарас лэсти и старысавас тэ сытювас лэстирэ Шавэстар. Кадэлэстар амэ лас зор (Матф. 11:29).

6. Со тэ терас, кай кадэя статья тэ анэн амэнди лашимос?

⁶ Кала ту лэса тэ адинос пала кадэла восемь маменторя, савэ ужан андэ поклонения, пуш пэстар: «Со мандэ ужэ вижыля тэ домардював? Со инке трэбуй тэ лашарав андэ пэстири поклонения?» Ту можэш тэ авэс бахтало кодэлэстар, со ту адес терэс важ о Иегова. Но кадяжэ мангпэ, кай о Иегова тэ сыкавэл тути, со можэш тэ парувэс, кай тири поклонения инке май фартэ тэ чалёл лэсти.

СО УЖАЛ АНДЭ АМАРИ ПОКЛОНЕНИЯ

7. Сар о Иегова диқэл пэ амарэ молитвы, савэ амэ ԥэнас анда вся оди?

⁷ Кала мангаспэ. Андэ Писания ԥэнэнпэ, кай амарэ молитвы — када, сар драго стердо фимиамо, саво сԥабарэнас андэ свынто бари катуна и андо храмо (Пс. 141:2). Лэско запахо сас приятно лэ Иеговасти. Кадяжэ и кала амэ мангаспэ анда вся оди, када фартэ чалёл амарэ Дэвлэсти (Втор. 33:10; Прит. 15:8). Лэсти приятно, кала амэ ԥэнас пала пэстири любовь и блаӷодарность. О Иегова камэл, кай амэ тэ росԥэнас пала пэстирэ пэрэжывании, со амэ фартэ камас и пэр со надеисавас. Англа кода, сар тэ мангаспэ, авелоп драго тэ погиндосарас, со амэ камас тэ ԥэнас лэ Иеговасти. Кадя амарэ молитвы авэна важ лэстэ, сар со май лашо фимиамо.

8. Сави амэндэ исин возможность тэ восхваляем лэ Иеговас?

⁸ Кала восхваляем лэс. Амэ восхваляем лэ Иеговас, кала ԥэнас аврэнди, саво дэ райкано амаро Дэл и сави удивительно дила во терэл (Пс. 34:1). Если амэндэ андо ди исин блаӷодарность, амэ закамаса бут со тэ росԥэнас лэ манушэнди пала лэстэ. Кала амэ витидас время, кай тэ порозмышляем пала вся, со о Иегова стердя важ амэндэ, амэ полас, кай амэндэ исин бут васо тэ восхваляем лэс. Тэ росԥэнас аврэнди пала лэстэ — када лащи возможность тэ «анас лэ Дэвлэсти хвалебно жэртва, када плодо амаря шыбатар» (Евр. 13:15). Кадяжэ, сар амэ розмышляем, со амэ камас тэ ԥэнас лэ Иеговасти андэ молитва, амэ трэбуй май данглал тэ погиндосарас, со амэ ԥэнаса лэ манушэнди андэ служэния. Амэ камас, кай амари «хвалебно жэртва» тэ авэл со май лащи, важ када всаворэ одеса росԥэнас лэ манушэнди пала Дэл.

9. Саво лашимос анэн всаворэ христианонэнди и лично тути, кала амэ авас пэ собрании?

⁹ Кала авас пэ собрании. Андэ лэ Моисеёско законо ԥэнэнаспэ: «Всаворэ мурша трэбуй тэ авэн каринг тумаро  Дэл о Иегова андэ кодэва ҭан, саво во витидэла, тривар андо бэрш» (Втор. 16:16). Важ када и израильтяноря трэбуй сас тэ ашавэн пэстирэ цэра и маля. О Иегова дя алав лэнди: «Нико на закамэла тумари ԥув» (Исх. 34:24). Вонэ фартэ доверяли лэ Иеговасти и кажно бэрш жанас пэ празникоря. И када анэнас лэнди бари радость: вонэ май драго полэнас лэ Дэвлэско законо, розмышляли пала лэ Иеговастири доброта и драго проандярэнас и время лэ ԥралэнца и лэ ԥэянца (Втор. 16:15). Кадяжэ и амэндэ авэла бут лашимос, если амэ стас зор, кай тэ на промэкас и собрании. Ай инке можно тэ погиндосарас, сар дэ фартэ о Иегова лошавэл, кала амэ дас найбарэ и лашэ каминтарии пэ собрания.

10. Васо и диля фартэ важни андэ поклонения лэ Иеговасти?

¹⁰ Кала дилабас (Пс. 28:7). Кай и израильтяноря и диля сас фартэ важно андэ поклонения лэ Иеговасти. О царё Давидо стодя 288 левитонэн, кай вонэ тэ дилабэн андо храмо (1 Лет. 25:1, 6—8). Адес амэ можэм тэ сыкавас пэстири любовь каринг о Иегова, кала андэ диля восхваляем лэс. И совсем нэважно, драго амэндэ вижал тэ дилабас чи най. Погиндон акэ пала со. Кала амэ дас дума, «амэ всаворэ часто ошыбаемся» (Иак. 3:2). Но всаек амэ на парашас тэ дас дума лэ манушэнца пала Дэл и тэ дас каминтарии пэ собрании. Важ када амэ на трэбуй тэ пэрэжываем, кай на ӷанас фартэ драго тэ дилабас. Важ амэндэ ӷлавно — тэ восхваляем лэ Иеговас.

11. Васо амэ трэбуй тэ витидас время, кай тэ проандярас и семейно поклонения, сар пистромэ андэ Псалом 48:13?

¹¹ Кала проандярас лично и семейно поклонения. Андэ суббота кай и израильтяноря сас розлащи возможность тэ отцыён пэстиря дилатар и тэ витидэн время важ о Дэл (Исх. 31:16, 17). И израильтяноря росԥэнэнас лэ бэятонэнди пала Иегова и пала лэстири доброта. Амэнди фартэ важно тэ витидас время, кай тэ адиносарас и тэ изучаем и Библия. Кадя амэ тэлювас лэ Иеговасти, и амари дружба лэса ашэл май састи (Пс. 73:28). Ай кала амэ проандярас и семейно поклонения, амэ поможысарас пэстирэ бэятонэнди, кай лэндэ тэ авэл лащи дружба амарэ небеснонэ Дадэса лэ Иеговаса. (Проадинон Псалом 48:13).

12. Сар о Иегова диқэлас пэ кода, кай терэнас и свынто бари катуна и сости амэн када сытярэл?

¹² Кала строисарас и диқас пала залоря, кай амэ тэлювас лэ Иеговасти. Андэ Библия ԥэнэнпэ, кай кала терэнас и свынто бари катуна, ай кадяжэ и предметоря, савэ андэр латэ ужанас, када сас свынто бути (Исх. 36:1, 4). Адес важ о Иегова тожэ свынто и дила, сави терэн и ԥрала и ԥэя пэ стройка. Ай хэба амэ на цэнисарас лэ ԥралэнго и лэ ԥэянго трудо? Амэ фартэ блаӷодарни лэнди! Канешно, кадэла ԥрала и ԥэя на парашэн тэ росԥэнэн аврэнди пала Дэл. Ай дэсавэ андар лэндэ служын пианеронэнца. И старейшыноря моӷут тожэ тэ поможын пэ стройка, если одобрят лэ ԥралэн и лэ ԥэян, савэ подинэ заявления и поджан тала всаворэ требовании. Ай если тумэ на ӷанэн тэ строин, тумэ можэте тэ прилэн андо Зало Царства и тэ поможын тэ диқэн пала лэстэ.

13. Васо амэ камас тэ дас пожэртвовании важ лэ Иеговастири дила?

¹³ Кала дас пожэртвовании. И израильтяноря никала на авэнас каринг о  Иегова «шушэ вастэнца» (Втор. 16:16). Вонэ анэнас лэ Иеговасти даро, ко со можэт. Кадя вонэ моӷли тэ сыкавэн, кай блаӷодарни лэ Иеговасти пала вся, со во важ лэндэ терэл. Сар амэ можэм тэ сыкавас пэстири любовь каринг о Иегова и блаӷодарность пала вся, со во терэл важ амэндэ? Например, амэндэ исин возможность тэ дас пожэртвовании важ пэстири собрания и пэ дила, сави андэ лэ Иеговастири арӷанизацыя жал пэ вся и ԥув. О апостоло Павло пистросардя: «Если варико дэл анда ди, када чалёл лэ Дэвлэсти, важ кода кай во камэл, кай о мануш тэ дэл кода, со можэт, ай най кода, со нэ можэт» (2 Кор. 8:4, 12). О Иегова фартэ цэний, кала амэ дас дажэ найбарэ пожэртвовании (Мар. 12:42—44; 2 Кор. 9:7).

14. Сар о Иегова диқэл пэ амари помощь, сави амэ дас лэ ԥралэнди и лэ ԥэянди, сар пистромэ андэ Притчи 19:17?

¹⁴ Кала поможысарас лэ ԥралэнди и лэ ԥэянди, касти трэбуй помощь. О Иегова дя алав, кай рия лэ израильтянонэнди вся, со вонэ дэнас лэ чорорэнди (Втор. 15:7, 10). Кала амэ поможысарас лэ ԥралэнди и лэ ԥэянди, амэ кабута залас лэ Иеговасти пэ вужылимастэ. (Проадинон Притчи 19:17.) Например, кала и христианоря анда Филиппы бишалдэ подарко лэ Павлости андо баруно, во ԥэндя кай када «жэртва, сави уӷодно лэ Дэвлэсти» (Флп. 4:18). Тумэ можэте тэ пушэн пэстар: «Касти андэ собрания мэ моӷу тэ дав зор?» О Иегова фартэ радуийпэ, кала амэ используем пэстири время, пэско зор, таланторя и ловэ, кай тэ поможысарас кодэлэнди, касти трэбуй помощь. Када тожэ ужал андэ амари поклонения лэсти (Иак. 1:27).

ТЭ ТЭЛЮВАС ЛЭ ИЕГОВАСТИ — БАРИ БАХ

15. Васо найԥарэс тэ отдас пэстири время и зор, кай тэ тэлювас лэ Иеговасти правильно?

¹⁵ Кай правильно тэ тэлювас лэ Иеговасти, трэбуй время и зор. Но када найԥарэс (1 Иоан. 5:3). Васо? Важ кода кай амэ любисарас лэ Иеговас. Прецтавьте бэятос, саво камэл тэ подарий варисо пэстирэ дадэсти. Во можэт часонэнца тэ рисуий важ лэстэ и картинка. Во на жалуий пэстири время пэ када. Кадэва бэято любий пэстирэ дадэс и фартэ бахтало кодэлэстар, кай камэл тэ подарий лэсти подарко. Кадяжэ и амэ фартэ любисарас лэ Иеговас и амэнди анэн радость тэ используем пэстири время и зор, кай тэ тэлювас лэсти кадя, сар во камэл.

16. Со кай о Иегова по ди, кала амэ пристас зор, кай тэ радосарас лэс, сар ԥэнэнпэ андэ Евреям 6:10?

¹⁶ Важ и любящи родителя куч любо подарко, саво динэ лэндирэ бэяцэ. Вонэ полэн, кай и бэяцэ разни и на сыстон лэн ек еқэса. Кадяжэ и амаро небесно Дад полэл, кай кажнонэстэ андар мэндэ разни ситуацыи. Возможно, ту можэш тэ терэс май бут, чем тирэ друӷоря. Ай можэт наоборот, через о найлашо зор, ԥурэ бэрша или бут дила андо ери, тутэ на вижал тэ терэс кадя бут, сар камэлпэ. Но на умэк и вас (Гал. 6:4). О Иегова никала на бистрэла, со ту терэс важ лэстэ. Если ту всаворэ одеса отдэс лэсти со май лашо, во фартэ радуийпэ. (Проадинон Евреям 6:10.) О Иегова диқэл тиро ди, со ту камэс тэ терэс. Во камэл, кай ту тэ авэс бахтало, кала терэс кода, со па тиро зор.

17. а) Со тэ терас, кала варисо андэ поклонения лэ Иеговасти дэлпэ амэнди найвушэро? б) Сар дэсо анда кода, со ужал андэ поклонения лэ Иеговасти поможысардя тути тэ авэс май бахтало? (Диқэн  и рамка пэ страница 23.)

 ¹⁷ Амэ роздиқлям восемь маменторя, савэ ужан андэ амари поклонения. Но со тэ терас, если варисо амэнди найвушэро дэлпэ? Например, тэ проандярас и лично изучения или тэ служысарас. Со май часто амэ ласа када тэ терас, со май драго амэндэ вижала. Роздиқам ек примеро пала мануш, саво залэлпэ спортоса или сытёл тэ дилабэл пэ варисаво музыкально инструменто. Если во терэл када ридко, лэстэ нисо на вижала. Авелоп драго, кай во кажно дес тэ витидэл время важ када. Спэрва можно тэ сытёл понабут, ай тоди полокорэс тэ терэл када май бут время. Кала амэ диқас, кай кадэя дила вижал амэндэ май драго, када анэн амэнди радость. Кадяжэ и кала амэ тэлювас лэ Иеговасти.

18. Со важ амэндэ само важно и саво лашимос када амэнди анэна?

¹⁸ Со май важно важ амэндэ — анда вся оди тэ тэлювас лэ Иеговасти. Блаӷодаря кадэлэсти амэндэ ужэ акана бахтали жызня. Кадяжэ о Иегова дэл амэнди райкани надежда тэ жувас вечно (Прит. 10:22). Амэ ӷанас, кай амаро небесно Дад обязательно поможыя амэнди, если авэла ԥари ситуацыя, и кадэлэстар ашэл спокойно по ди (Ис. 41:9, 10). Кадяжэ, сар и о апостоло Иоанно, амэ камас тэ ԥэнас лэ Иеговасти: «ту достойно тэ прилэс слава и честь, важ кода кай ту вся создал» (Отк. 4:11). Важ када тэ тэлювас лэсти важ амэндэ бари бах!