• Лэс витидя о Дэл. «Мэ стодэм пэстирэ царёс... ...Мэ дава тути народоря андо наследство и вся и ԥув андэ тирэ вас» (Псалом 2:6, 8).

• Во лэ Давидоско наследнико. «Амэндэ арақаделя бэято, амэнди динэ шавэс. [...] Лэстири власть авэла везде, и на парашэла тэ авэл мирно пэ лэ Давидоско престоло и андэ лэско царство. И власть тердёла састэс» (Исаия 9:6, 7).

• Во арақаделя андо Вифлеемо. «Вифлеемо... андар тутэ авэла важ мандэ кодэва, ко хулаия андо Израилё... [...] ...Лэстири слава авэла па вся и ԥув» (Михей 5:2, 4).

• Лэстар отԥэнделэ и мануша и умардэ. «И мануша вэрыцынас и дурёнас лэстар... [...] Лэс пропусадэ важ о найлашимос, саво амэ стердям, и умардэ важ амарэ ӷрехоря» (Исаия 53:3, 5).

• Во рисайля каринг и жызня и ашэля ашунгло. «Важ кода кай ту на ашавэса ман андэ моӷила. Ту на дэса кодэлэсти, ко тут на ашавэл, тэ диқэл и моӷильно яма. ...Андэ тиро право вас исин бах... вся и время» (Псалом 16:10, 11).

Анда всаворэ мануша кати ек мануш андэ вся поджал, кай тэ авэл правителё, савэс стодя о Дэл. Када о Иисус Христос. Интересно, кай о анӷело ԥэндя лэстиря дати, ла Марияти: «О Иегова дэла лэсти царство, лэстирэ дадэско лэ Давидоско. ...Лэстири правления на парашэла никала» (Луки 1:31—33).

О Иисусо на ашэля правителё, кала жувэлас пэ ԥув. Лэско царство по нэбо, и котар во правия лэ манушэнца, савэ лэна тэ жувэн пэ ԥув. Васо можно тэ ԥэнас, кай во со май лашо правителё? Када доԥэнэн лэстири дила.

•   О Иисусо любияс лэ манушэн. Во поможыяс разнонэ манушэнди и на шолас сама, када мурш чи жувли, ашунглэ вонэ чи най, саво лэндэ возрасто и сави лэндэ нацыя (Матфея 9:36; Марка 10:16). Кала ек насвало мануш мангля лэ Иисусостар: «Сар кати ту закамэса, ту рисарэса манди о зор», кодэва жалуисардя лэс анда оди и исцэлисардя (Марка 1:40—42).

• О Иисусо росԥэндя, сави дила радуий лэ Дэвлэс. Во ԥэнэнас: «Тумэ нэ можэте тэ авэн рабонэнца и лэ Дэвлэсти и лэ Барвалимасти». О Иисусо сытярэл амэн тэ андярас пэс лэ манушэнца кадя, сар камас, кай вонэ тэ андярэн пэс амэнца. Кадяжэ, во ԥэнэнас, кай важ о Дэл важно най кати кода, со амэ терас, но и кода, пала со амэ гиндосарас и со амэндэ по ди. Если амэ камас тэ радосарас лэ Дэвлэс, амэнди трэбуй тэ диқас, пала со цырдэлпэ амаро ди (Матфея 5:28; 6:24; 7:12). О Иисусо инке ԥэнэнас, кай амэ па чачимастэ жуваса бахталэс кати тоди, кала ӷанас, со камэл о Дэл, и терас кадя (Луки 11:28).

• О Иисусо сыкадя, со када чачуни любовь. Через кода, сар о Иисусо дэлас дума и сар пэс андярэлас, и мануша камэнас варисо тэ терэн, кай тэ парудён. Андэ Матфея 7:28, 29 пистромэ: «Лэ манушэн ля лэ одестар кода, сар во сытярэлас, важ кода кай во сытярэлас лэн сар о мануш, савэстэ исин власть». О Иисусо ԥэнэнас лэнди тэ любин пэстирэ враӷонэн (Матфея 5:44). Во дажэ мангэласпэ важ кодэла, ко сас дошало андэ лэстири смэрть: «Дадэ, простисар лэн, важ кода кай вонэ на ӷанэн, со терэн» (Луки 23:34).

Кати о Иисус Христос поджал, кай тэ авэл правителё пэ вся ԥув, саво анда оди диқлоп пала мануша. Кала жэ во лэла тэ правий?