1, 2. а) Соса амэ на шаспэ лэ анӷелонэнца? б) Соса амэ шаспэ лэ анӷелонэнца?

 О ИЕГОВА ақардя амэн андэ пэско баро и дружно ери. Андэ кадэва ери исин разни ԥрала и ԥэя, савэ жувэн па вся и люма, ай кадяжэ милионоря анӷелоря, савэ никала на ашавэн лэ Иеговас (Дан. 7:9, 10). Кала амэ вспоминаем пала анӷелоря, пэрво, со авэл амэнди андо шэро, — када, кай вонэ совсем на шонпэ пар мэндэ. Например, и анӷелоря сас создани май пэрви, чем и мануша (Иов 38:4, 7). Лэндэ май баро зор, чем амэндэ. Вонэ свынти и андэ вся андярэн лэ Иеговастири время. Андэ када амэ лэнца не можэм тэ сыстосавас, важ кода кай амэ найидеальни мануша (Лука 9:26).

² Но бут андэр со амэ шаспэ лэ анӷелонэнца. Например, амэ и анӷелоря можэм тэ витидас екжэнэ, со тэ терас, ай со най. Кадяжэ амэндэ можэт тэ авэл кацаво характеро, сар кай о Иегова. И инке амэ шаспэ кодэлэса, кай амэндэ кажнонэстэ исин пэско алав, пэско особено характеро и дила лэ Иеговастар. Кадя жэ сар кай и анӷелоря, амаро ди цырдэл амэн тэ тэлювас амарэ Создателёсти (1 Пёт. 1:12).

3. Сости амэ можэм тэ сытювас кай и кандинэ анӷелоря?

³ Сар амэ полям, амэ бут андэр со шаспэ лэ анӷелонэнца. Вижал, амэ можэм лэндар тэ сытювас. Андэ кадэя статья амэ роздиқаса, сар и кандинэ анӷелоря сыкавэн, кай вонэ найӷорди, любин лэ манушэн, ашэнпэ састэ и заботинпэ, кай лэ Дэвлэско народо тэ андярэл пэс вужэс. Кадяжэ амэ подаса дума, сости амэ можэм лэндар тэ сытювас.

 И АНӶЕЛОРЯ НАЙӶОРДИ

4. а) Андэр со дицол, кай и анӷелоря найӷорди? б) Васо и анӷелоря найӷорди? (Псалом 89:7).

⁴ И анӷелоря найӷорди. Вонэ кандэн лэ Иеговас, хоть вонэ фартэ зоралэ, годявэрнэ и бут со ӷанэн (Пс. 103:20). Вонэ никала на хвалинпэ кодэлэса, кай лэндэ вижал драго тэ терэн и дила. Кадяжэ вонэ на завдэнпэ, кай моӷут тэ терэн кода, со най па лэ манушэнго зор. И анӷелоря анда вся оди терэн кода, со чалёл лэ Иеговасти, и не пережывают, если лэнго алав на авэла ашунгло (Быт. 32:24, 29; 2 Цар. 19:35) a. Вонэ на домэкэн, кай пэр лэндэ тэ стон кацави патив, сави прижал кати лэ Иеговасти. Васо и анӷелоря найӷорди? Важ кода кай вонэ любин лэ Иеговас и стон пэр лэстэ бари патив. (Проадинон Псалом 89:7.)

5. Сар о анӷело сыкадя, кай найӷордо, кала о Иоано андярдя пэс неправильно? (Диқэн кадяжэ и картинка.)

⁵ Роздиқаса ек примеро, саво драго сыкавэл, кай и анӷелоря найӷорди. Варикай андо 96 бэрш андэ амари эра о анӷело, савэско алав амэ на ӷанас, сыкадя лэ Иоаности удивительно видения (Тайна 1:1). Сар о Иоано андярдя пэс? Во пэля пэ чанга и закамля тэ тэлёл лэсти. Но о анӷело ӥто ԥэндя: «Аш, на́ тер када! Мэ кацаво жэ рабо, сар ту и сар тирэ ԥрала... Тэлюв лэ Дэвлэсти!» (Тайна 19:10). Дэ лашо примеро сыкадя кадэва анӷело! Во на камэлас, кай лэсти тэ прижал о лашо алав и кай лэс тэ хвалин. Во сразу шутя сама по Иегова. Андэ кодэя жэ время во на диқэлас по Иоано завазглэ шэрэса. Канешно, о анӷело служыяс лэ Иеговасти пэбутэстэ май бут, чем о Иоано, и сас май зорало лэстар. Но во най путярдэс ԥэндя, кай во кацаво жэ рабо, сар и о апостало. И хоть о Иоано андярдя пэс неправильно, о анӷело на дя пэр лэстэ кырлэса. Наоборот, во дя дума ковлэс лэ ԥурэ апосталоса. Возможно, во полэлас, кай о Иоано пэс кадя андярдя, важ кода кай и видения фартэ ля лэс одестар.

6. Сар амэ можэм тэ сытювас кай и анӷелоря тэ авас найӷорди?

⁶ Сар амэ можэм тэ сытювас кай и анӷелоря тэ авас найӷорди? Амэ тожэ анда вся  оди терас лэ Иеговастири дила. Но амэ кадэлэса на хвалисавас и на аштярас, кай пар мэндэ тэ шон бут сама (1 Кр. 4:7). Амэ на трэбуй тэ путювас кодэлэса, кай терас варисави почотно дила или кай служысарас лэ Иеговасти май долӷо, чем авэр. Наоборот, со май бут дила амэнди дэл о Иегова, со май фартэ амэ трэбуй тэ тэлярас пэско ди (Лука 9:48). Сар и анӷелоря, амэ камас тэ авас слуӷоря важ авэр. Амэ на ласа тэ андярас пэс кадя, кай авэр тэ гиндон, кай лэндар нинай нисаво толко.

7. Сар амэ можэм тэ авас найӷорди, кала варисо потԥэнас аврэнди или дас совето?

⁷ Кала инке амэнди трэбуй тэ авас найӷорди? Дэкала амэ можэм тэ шас сама, кай о мануш неправильно пэс андярэл. Амэнди трэбуй тэ ԥэнас лэсти пала када или тэ дас совето. Када можэт тэ авэл ԥрал или ԥэй или амаро бэято. Дэкала прижалпэ тэ дас дума ворта. Но ворта на сыкавэл, кай када трэбуй тэ авэл ӷрубо. Амэндэ нинай цэль тэ умарас лэ манушэс алавэнца. Погиндосарам, сар дэ ковлэс о анӷело дя дума лэ Иоаноса. Если амэ на гиндосарас, кай май лашэ аврэндар, тоди даса дума пативалэс и ковлэс, кала ԥэнас и гиндоря анда Библия (Клс. 4:6).

И АНӶЕЛОРЯ ЛЮБИН ЛЭ МАНУШЭН

8. а) Пар со дицол, кай и анӷелоря любин лэ манушэн? (Лука 15:10). б) Сар и анӷелоря поможын амэнди тэ росԥэнас пала Дэл? (Диқэн кадяжэ и картинка пэ обложка.)

⁸ Лэ анӷелонэнди най всаек пэ мануша, и вонэ на гиндон, кай амэ нисо на ашас. Вонэ любин лэ манушэн. Вонэ лошавэн, кала кодэва, ко стердя бэзэх, каийпэ — кала о хасардо бакроро рийпэ каринг о Иегова или кала варико парудёл и прилэл лэ Дэвлэско чачимос. (Проадинон Лука 15:10.) И анӷелоря кадяжэ поможын амэнди тэ росԥэнас лэ манушэнди и лащи новость пала Царство (Тайна 14:6). Адес вонэ на авэн каринг и мануша, кай тэ росԥэнэн лэнди пала Дэл. Но вонэ моӷут тэ бишалэн варикас андар мэндэ каринг кодэва, ко камэл тэ уӷанэн пала Иегова. Канешно, амэ не можэм тэ ԥэнас, кай андэ кажно маменто каринг и мануша амэн бишалэн и анӷелоря. О Иегова можэт тэ пашарэл каринг пэстэ лэ манушэс и па аврятэ. Например, во можэт тэ поможый лэ мирости и через о свынто зор тэ бишалэл каринг лэндэ пэстирэ манушэн (Дила 16:6, 7). И всаек амэ можэм тэ патяс, кай кала амэ росԥэнас пала Дэл, и анӷелоря терэн ек дила амэнца, важ кода кай о Дэл приԥэндя лэнди тэ подритярэн амэн. (Диқэн и рамка  «О Дэл ашундя лэндирэ молитвы» b.)

9. Сар амэ можэм тэ сыкавас любовь каринг и мануша, кадя сар и анӷелоря?

⁹ Сар амэ можэм тэ сытювас кай и анӷелоря тэ любисарас лэ манушэн? Кала амэ ашунас и объялении, кай варикас рисардэ андэ собрания, амэ лошавас кадя жэ, сар и анӷелоря. Амэ камас кай о ԥрал или и ԥэй тэ полэн, сар дэ фартэ амэ лэн любисарас и сар амэ бахталэ, кай вонэ рисайлэ каринг о Иегова (Лука 15:4—7; 2 Кр. 2:6—8). Кадяжэ амэ шаспэ пэ анӷелоря, кала отдас май бут зор, кай тэ росԥэнас важ о Дэл (Эккл. 11:6). Сар и анӷелоря поможын амэнди тэ андярас и лащи новость, кадя и амэ можэм тэ подритярас лэ ԥралэн и лэ ԥэян. Например, можэш ту тэ доԥэндёс тэ росԥэнэс пала Дэл кодэлэса, ко най дэлмут ашэля возвещателё? Или кодэлэса, ко андэ бэршэндэ или кастэ найлашо зор?

10. Сости амэ сытювас кай и Сара?

¹⁰ Ай со, если тумэндэ на вижал тэ терэн важ о Иегова кадя жэ бут, сар варикала? Тоди погиндон, сар па аврятэ тэ терэн ек дила лэ анӷелонэнца. Уӷанам, со сас андэ жызня кай и ԥэй Сара c анда Индия. Вой почти 20 бэрш сас  пианеро. Но тоди вой фартэ занасвайля. Вой не моӷла тэ ԥирэл и дажэ тэ ущел. Лати сас фартэ ԥарэс по ди. Но ла подритярэнас амарэ ԥрала и ԥэя, и вой кажно дес адинояс и Библия. Вся када поможысардя лати упалэ тэ лошавэл. Канешно, акана лати трэбуй сас тэ сытёл тэ служый па аврятэ. Вой не моӷла дажэ тэ бэшэл, кай тэ пистрой и письморя. Вой росԥэнэнас важ о Дэл кати па телефоно. Кала вой упалэ звонияс лэ манушэнди, вонэ дэнас о номеро кодэлэнго, кас вонэ ӷанэн. Кодэла мануша тожэ камэнас тэ подэн дума пала Библия. Важ дэсавэ шона кай и Сара стидяпэ 70 изучении па Библия! Латэ на хутилэлас время тэ проандярэл лэн екжэни и важ када дэсавэн андар лэндэ вой пэрэдя аврэ ԥралэнди и ԥэянди. Бут анда кадэла мануша акана ԥирэн пэ амарэ собрании. Прецтавьте, савэ дэ бахталэ и анӷелоря, кай терэн ек дила ла Сараса и аврэ христианонэнца, савэ никала на ашавэн лэ Дэвлэс и терэн вся, со па лэнго зор!

И АНӶЕЛОРЯ АШЭНПЭ САСТЭ

11. Васо можно тэ ԥэнас, кай и кандинэ анӷелоря со май драго сыкавэн, сар тэ ашаспэ састэ?

¹¹ И анӷелоря, савэ на ашавэн лэ Дэвлэс,  со май драго сыкавэн, сар тэ ашаспэ састэ. И амэ камас тэ сытювас лэндар. Вонэ ужэ най ек тыща бэрш диқэн и несправедливость и о найлашымос. Пэ лэндирэ яқа против о Дэл жылэ о Сатана и бут авэр анӷелоря, савэнца вонэ варикала терэнас лэ Иеговастири дила (Быт. 3:1; 6:1, 2; Иуда 6). Андэ Библия ԥэнэнпэ, кай ек кандино анӷело бут деса марэласпэ лэ зоралэ бэнгэса (Дан. 10:13). Кадяжэ и анӷелоря диқэнас, кай важ вся и время кати набут мануша залинэ лэ Иеговастири риг. Хоть и анӷелоря диқэнас вся када, вонэ на ашавэн лэ Иеговас и на парашэн тэ тэлён лэсти радостяса и хваткаса. Вонэ ӷанэн, кай андэ пэстири время о Дэл улэла вся о найлашымос.

12. Со поможыя амэнди тэ ашаспэ састэ?

¹² Сар амэ можэм тэ сытювас кай и анӷелоря тэ ашаспэ састэ? Сар и анӷелоря, амэ диқас бут несправедливость. Но кадя жэ сар и вонэ, амэ точно ӷанас, кай андэ пэстири время о Дэл улэла вся о вэрытимос. Важ када, амэ на умэкас и вас и терас лашымос. Кадэлэса амэ шаспэ пэ кандинэ анӷелоря (Гал. 6:9). О Иегова дэл алав, кай поможыя амэнди вся тэ виритярас (1 Кр. 10:13). Амэнди трэбуй тэ мангаспэ лэ Иеговасти, кай во тэ дэл пэско свынто зор, кай амэ тэ тэрписарас и тэ лошавас (Гал. 5:22; Клс. 1:11). Ай со, если тутэ акана исин варисаво ԥаримос? Мэк тиро ди фартэ не пережывает. Патя лэ Иеговасти. Во точно подритярэла тут и придэла зор (Евр. 13:6).

И АНӶЕЛОРЯ ДИҚЭН, КАЙ ЛЭ ДЭВЛЭСКО НАРОДО ТЭ АНДЯРЭЛ ПЭС ВУЖЭС

13. Сави особо дила терэн и анӷелоря андэ кадэла послидни деса? (Матфеё 13:47—49).

¹³ Андэ кадэла послидни деса о Иегова дя лэ анӷелонэнди особо дила. (Проадинон Матфеё 13:47—49.) И новость пала Царство ашунэн и прилэн милионоря разни мануша па вся и люма. Дэсавэ лэн тэ жувэн па лэ Иеговаско законо и ашэн лэстирэ манушэнца, ай авэр най. И анӷелоря трэбуй тэ отделин лэ лашэн лэ найлашэ манушэндар. Вижал, лэндэ исин обязаность тэ диқэн, кай андэ лэ Иеговаско народо тэ авэл вужымос. Канешно, када на сыкавэл, кай кодэва, ко ужылятар анда собрания, никала не можэт тэ рийпэ палпалэ. Кадяжэ када на сыкавэл, кай андэ собрания никала на авэна проблемы. Амэ можэм тэ патяс, кай и анӷелоря пристон вся пэско зор, кай лэ Иеговаско народо тэ ашэлпэ вужо.

14, 15. Сар амэ можэм тэ сытювас кай и анӷелоря тэ диқас пала вужымос андэ лэ Иеговаско народо? (Диқэн кадяжэ и картинки.)

¹⁴ Сар амэ можэм тэ сытювас кай и анӷелоря тэ диқас пала вужымос андэ лэ Дэвлэско народо? Амэнди трэбуй тэ пристас зор, кай амари дружба лэ Иеговаса тэ ашэлпэ састи. Амэ терас када, кала витидас лэ друӷонэн,  савэ любин лэ Дэвлэс. Амэ ритярдювас май дур всаворэстар, со можэт тэ римой амари дружба лэ Иеговаса (Пс. 101:3). Кала амэ кадя терас, амэ поможысарас, кай андэ лэ Дэвлэско народо тэ авэл вужымос. Кадяжэ амэ можэм тэ поможысарас лэ ԥралэнди и лэ ԥэянди тэ на парашэн тэ кандэн лэ Иеговас. Погиндосар, со ту стерэса, если уӷанэса, кай о ԥрал или и ԥэй стердя баро бэзэх? Амэ любисарас кадэлэ манушэс и важ када ԥэнаса лэсти, кай во тэ подэл дума лэ старейшынонэнца. Ай если во када на стерэла, амэ екжэнэ росԥэнаса лэнди. Амэ камас, кай лэ ԥралэсти или ла ԥьяти, савэндэ ашэля май слабо вера, со май ӥто тэ поможын! (Иак. 5:14, 15).

¹⁵ Дэкала кодэлэс, ко стердя бэзэх, прижалпэ тэ дурярэн ла собраниятар. Тоди амэ парашас лэса тэ дас дума (1 Кр. 5:9—13) d. Када поможый, кай и собрания тэ ашэлпэ вужи. Кадяжэ, кала амэ на дас дума кодэлэса, кас дурярдэ ла собраниятар, амэ лэсти па чачимастэ терас лашымос. Васо можно кадя тэ ԥэнас? Важ кода кай тоди о мануш со май ӥто полэла, кай лэсти трэбуй тэ рийпэ каринг о Иегова. Если во када стерэла, тоди лошавэла лэ Иеговаско ди, лэ анӷелонэнго и амаро (Лука 15:7).

16. Андэр со амэ камас тэ лас примеро кай и анӷелоря?

¹⁶ Амэ фартэ блаӷодарни лэ Иеговасти, кай во росԥэнэн амэнди пала анӷелоря и домэкэл амэнди тэ терас ек дила лэнца! Давайте тэ сытювас лэ анӷелонэндар андэ кода, кай тэ авас найӷорди, тэ любисарас лэ манушэн, тэ ашаспэ састэ и тэ диқас пала вужымос андэ лэ Дэвлэско народо. Если амэ ласа примеро кай и кандинэ анӷелоря, амэ сможэм тэ ашаспэ андэ лэ Иеговаско ери о вико вечно.