Šunas oda, so hin pisimen andre Biblija, hoj savorenge kamas te presikavel paťiv. Oda hin the le manušenge, saven hin aver vjera. (1. Petra 2:17) Andre varesave phuva dživen igen but Jehovaskere svedki, aľe na ispiden pre politika abo vladi, kaj te zakazinen aver vjeri. A tiš na kamas la vladatar, kaj te del ajse zakoni, so bi aver manušen ispidľahas te ašarel le Devles avka sar oda keras amen. Aľe kamas pes ko aver te ľikerel šukares, bo kamas, kaj tiš on te en ke amende lačhe. (Matúš 7:12)