GIĽI 139
Predstavin tuke, hoj sal imar andro nevo svetos!
-
1) Phand o jakha! Zadumin tut,
sar pre nevi žuži phuv dživeha!
Sal bije dar, sal bije dukh,
o nalačhipen na dikheha.
O Jehovas hino tuha,
o rajos imar pro furt ela.
E phuv kvitňinel. Savo šukariben!
Prithoves tut ko
zoralo giľaviben:
(REFREN)
„Devla Jehova! Savo lačho sal!
Paľikeras vaš sa, so tu kerďal.
O kraľis Ježiš tire sľubi splňinel.
Ašaras tut, Jehova! Tu sal lačho Del!“
-
2) Phand o jakha! Zadumin tut,
sakojekh amendar odoj šaj el.
Ňiko odoj na daravel,
ňiko amen tele na dikhel.
O Del kerel, so sľubinďa,
andre leskro stanos šaj dživas,
le vzkrjesenen dikhas, šaj len obchudas,
amen lenca zorales
oda giľavas:
(REFREN)
„Devla Jehova! Savo lačho sal!
Paľikeras vaš sa, so tu kerďal.
O kraľis Ježiš tire sľubi splňinel.
Ašaras tut, Jehova! Tu sal lačho Del!“
(Dikh mek Žalm 37:10, 11; Iz. 65:17; Ján 5:28; 2. Petra 3:13.)
