¿Cai tandanajuimanga picunallata rita ushan?

Tucuicunami rita ushan. Quiquinba familiata y amigocunatapashmi invitaita ushapangui.

Cai tandanajuica ¿mashna horastata paran?

Más o menos shuj horasgutami paran.

Cai tandanajuica ¿maipita canga?

Cai tandanajui maipi canata yachangapaca quiquinba llactapi causaj shuj testigo de Jehovatami tapuita ushapangui.

¿Tandanajuiman yaicungapaca paganachu can?

Na paganachu can.

¿Culquita mañapanllu?

Na. Testigo de Jehovacunapa tandanajuicunapica na culquita mañapanchichu (Mateo 10:8).

¿Imashna mudarishpata rina capanchi?

Valishca o mushuj ropata churajunaca na minishtirinllu. Testigo de Jehovacunaca Bibliapi nishcashnami respetota ricuchishpa aliguta mudarishpa ripanchi.

Cai tandanajuipica ¿imatata ruran?

Cai tandanajuita callaringapaj y tucuchingapaca shuj canciongutami candapanchi. Shinallata shuj testigo de Jehovami tandanajuita callarichingapaj y tucuchingapaca Jehová Diosta mañan. Ashtahuangarin Jesús huañuna imamanda minishtirishca cashcatami shuj alipacha discursopi parlapanga. Taita Diospa y Jesuspa rurashcacunamanda ñucanchicuna imashina beneficiari ushashcatapashmi parlapanga.

Ashtahuan yachangapaca, “Testigo de Jehovacunaca ¿imamandata shujta religiongunamandaca diferenteta Jesús huañushca punllataca yuyarin?” nishca temata ricupangui.

Cati huatacunapica ¿ima horata Conmemoraciondaca rurapashun?

2026: Jueves 2 de abril.

2027: Lunes 22 de marzo.