Testigo de Jehovacunaca ¿picunata capanchi?
Shuj shuj llactacunamanda cashpa, shuj shuj costumbrecunata charishpa, shuj shuj shimicunata parlaj cashpapash tucuicunami Jehová Diosta jatunyachina munaita charinchi. Jehová Dios Bibliata escribichishcamanda, tucui cosascunata rurashcamandami paitalla jatunyachingapaj munapanchi. Shinallata Jesuspa chaquita catingapapashmi esforzarinchi. Jesusta catijcuna caimandapash ninandami cushijunchi. Tucuicunallatami Bibliamanda yachachingapaj, Diospa Reinomandapash villachingapaj tiempota llujchinchi. Jehová Diosmanda, paipa Reinomandapash villachishcamandami ñucanchitaca testigo de Jehovacuna nishpa rijsin.
Internetpi ñucanchi paginata rijsipai, Bibliata liipai, ñucanchimanda, ñucanchi crishcacunamandapash yachajupai.
