ACOMODADOR HUAUQUIUNA. Acomodador huauquiuna canda yanapangaj munanun. Chiraigu paigunara tucui rimashcaunara casunguichi, autura maibi saquinara, maita pasanara, maibi tiarina puistunara apinamanda, shuj ruranaunamandas.

BAUTISARINA. Ñaupai tiaj tiarinauna bautisaringaraujcunajmi o shuj partii tiarina ajpi shu comunicadoi pasachinunga. Sábado tutamanda bautisarina yachachishcara uyana manara callarishcallaira chibi tiarina anun. Bautisaringaraujcuna toallara, bautisaringaj ali iyaihua ajllashca churarinara apamuna anun.

CULLQUIHUA YANAPANA. Asambleara cushihua uyangaj, Jehovama mas mayanllangajpas gustu tiarinauna, parlanteguna, videoguna, shuj ministirishcaunas tiachu ashca gastashcanchi. Can shungumanda cushca cullqui yanapan cai gastashcaunara pagangahua, intiru mundui Bibliamanda yachachingahuas. Chiraigu cai asambleai cullquira churana cajaguna huaquin partiunai tian, donate.jw.org internet puistuis cachana ushangui. Canguna cullquihua yanapashcamanda ashca pagarachu ninchi. Cuerpo Gobernante huauquiuna pagarachuna munanun canguna cuyashcamanda Diospa Reinora yanapangaj.

PRIMEROS AUXILIOS. Primeros Auxilios Lugar sirtu ministishcajlla an.

CHINGARISHCA COSASGUNA. Chingarishca Cosasguna Lugarbi chingarishcaunara chibi saquina anguichi. Can imaras pirdishca asha, chi lugarma ri mascangaj. Shinallara chingarishca huahuaunara chi lugarma apana angui. Astaumbas yangamanda ama turbaringaj camba huahuaunara tucui huras cuirasha canhua pariju charingui.

TIARINAUNA. Rugaunchi shujcuna ministishcara riparachu. Tiarina puistuunara apingaj munasha canhua pariju autui rijcunajlla, ailluhuajlla, canhua Bibliamanda yachaujcunajlla apina ushangui. Shuj tiarinai mana tiaringaraushaga ama cosasgunara churaichu.

YANAPANGAJ MUNAJCUNA. Asambleai yanapangaj munashaga Yanapangaj Munajcuna Lugarma rina ushangui.

Cuerpo Gobernante Jehovahuaj testigogunamanda puruntushca