نئیں۔ ساڈی تنظیم فلماں، گانیاں یاں کتاباں بارے کسے تے وی کوئی پابندی نئیں لاندی۔ پر کیوں؟‏

  خدا چاہندا اے کہ ہر انسان اپنی سوچن سمجھن دی صلاحیت نُوں استمال کرکے صحی تے غلط چ فرق کرے۔—‏عبرانیوں 5:‏14‏۔‏

بائبل چ ایہو جہے اصول دِتے گئے نیں جنہاں دی بنیاد تے اِک مسیحی ایہہ فیصلہ کر سکدا اے کہ اوہ کیہو جہیاں فلماں یاں گانے ویکھے گا یاں کیہو جہیاں کتاباں پڑھے گا۔‏ a بھانویں زندگی دا کوئی وی معاملہ ہووے اَسی چاہنے آں کہ اَسی پتہ لاندے رہیے کہ خدا نُوں کیہڑے کم پسند نیں۔—‏اِفسیوں 5:‏10‏۔‏

بائبل چ ایہہ تلیم دِتی گئی اے کہ گھر دے سربراہ کول ایہہ فیصلہ کرن دا حق اے کہ اوہدے گھر والے کیہو جہیاں فلماں یاں گانے وغیرہ ویکھن گے تے کیہو جہے نئیں ویکھن گے۔ (‏1-‏کُرنتھیوں 11:‏3؛‏ اِفسیوں 6:‏1-‏4‏)‏ خاندان توں باہر دے کسے وی بندے نُوں ایہہ حق نئیں کہ اوہ فلماں، گانیاں یاں کتاباں بارے کوئی پابندی لائے۔—‏گلتیوں 6:‏5‏۔‏