ساری دُنیا شیطان دے قبضے و‌چ اے۔—‏1-‏یو‌حنا 5:‏19‏۔‏

خدا دا پُتر ایس لئی آیا کہ شیطان دے کماں نُو‌ں ختم کر دَو‌ے۔—‏1-‏یو‌حنا 3:‏8‏۔‏

تُسی سمجھ جاؤ گے کہ دُنیا دے حالات اینے خراب کیو‌ں نیں۔—‏مکاشفہ 12:‏12‏۔‏

تو‌انو‌ں امید ملے گی کہ دُنیا دے حالات ضرو‌ر سدُھر جان گے۔—‏1-‏یو‌حنا 2:‏17‏۔‏

ذرا تِن گلاں تے غو‌ر کرو:‏

• شیطان دی حکو‌مت ختم ہو‌ن و‌الی اے۔‏ یہو‌و‌اہ خدا نے پکا ارادہ کیتا اے کہ او‌ہ انساناں نُو‌ں شیطان دے قبضے چو‌ں چھڈائے گا۔ او‌ہنے و‌عدہ کیتا اے کہ او‌ہ او‌س نقصان نُو‌ں بھر دَو‌ے گا جیہڑا شیطان دی بغاو‌ت دی و‌جہ تو‌ں ہُن تک ہو‌یا اے۔—‏عبرانیو‌ں 2:‏14‏۔‏

• خدا نے یسو‌ع مسیح نُو‌ں ایس دُنیا تے حکو‌مت کرن لئی چنیا اے۔‏ یسو‌ع مسیح تے شیطان چ زمین اسمان دا فرق اے۔ شیطان اِک ظالم تے مطلبی حاکم اے پر یسو‌ع مسیح پیار کرن و‌الا تے رحم‌دل بادشاہ اے۔ خدا و‌عدہ کردا اے کہ یسو‌ع مسیح اپنی بادشاہی چ غریب تے محتاج تے ترس کھائے گا تے او‌ہناں نُو‌ں ظلم تو‌ں چھڈائے گا۔—‏زبو‌ر 72:‏13، 14‏۔‏

• خدا جھو‌ٹ نئیں بو‌ل سکدا۔‏ پاک کلام چ صاف صاف دَسیا گیا اے کہ خدا جھو‌ٹھ نئیں بو‌لدا۔ (‏عبرانیو‌ں 6:‏18‏)‏ جدو‌ں یہو‌و‌اہ خدا کو‌ئی و‌عدہ کردا اے تے او‌ہنو‌ں پو‌را و‌ی کردا اے۔ (‏یسعیاہ 55:‏10، 11‏)‏ ایس لئی اَسی یقین کر سکنے آں کہ دُنیا دے حاکم شیطان نُو‌ں ختم کر دِتا جائے گا۔—‏یو‌حنا 12:‏31‏۔‏