ساڈی کلیسیاواں چ بوہت سارے بھین بھرا ایہو جہے نیں جیہڑ‌ے کئی سالاں توں یہوواہ دی خدمت کر رہے نیں۔‏ یہوواہ تے اوہناں دے مضبوط ایمان توں اَسی بوہت کجھ سکھ سکنے آں۔‏اَسی اوہناں کولوں پچھ سکنے آں کہ یہوواہ دی تنظیم شروع توں لے کے ہُن تک کیویں اَگے ودھدی آئی اے نالے یہوواہ نے مشکلاں نُوں برداشت کرن چ اوہناں دی مدد کیویں کیتی اے۔‏ اَسی ایہو جہے بھین بھراواں نُوں اپنی خاندانی عبادت چ بلا سکنے آں تے اوہناں کولوں تجربے سن سکنے آں۔‏

جے تُسی کئی سالاں توں یہوواہ دی خدمت کر رہے او تے نوجواناں نُوں ایہہ دَسن توں نہ شرماؤ کہ یہوواہ نے کیہڑے کیہڑے طریقیاں نال تواڈی مدد کیتی اے۔‏ یعقوب تے یوسف نے اپنی اولاد نُوں دَسیا کہ یہوواہ نے اوہناں لئی کیہہ کجھ کیتا سی۔‏ (‏پیدایش 48:‏21،‏ 22؛‏ 50:‏24،‏ 25‏)‏ بعد چ یہوواہ نے گھرانے دے سربراہواں نُوں ایہہ حکم دِتا کہ اوہ اپنے بچیاں نُوں یہوواہ دے شان‌دار کماں بارے دَسن۔‏ (‏اِستثنا 4:‏9،‏ 10؛‏ زبور 78:‏4-‏7‏)‏ اَج ماں پیو تے کلیسیا دے تجربہ‌کار بھین بھرا وی نوجواناں نُوں اوہناں زبردست کماں بارے دَس سکدے نیں جیہڑ‌ے یہوواہ نے اپنی تنظیم دے ذریعے کیتے نیں۔‏

ویڈیو ‏”‏گیرٹ لوش:‏ پابندی نہ توڑ سکی،‏ بھراواں دا اتحاد‏“‏ ویکھو تے فیر ایہناں سوالاں دے جواب دَوو:‏

• آسٹریا چ ساڈی برانچ نے اوہناں بھین بھراواں دی مدد کیویں کیتی جنہاں دے مُلکاں چ ساڈے کم تے پابندی سی؟‏

• ایہناں مُلکاں چ بھین بھراواں نے اپنا ایمان کیویں مضبوط رکھیا؟‏

• رومانیہ دے بوہت سارے مبشراں نے اپنے آپ نُوں تنظیم توں کیوں وکھ کر لیا تے اوہ کیویں واپس آئے؟‏

• ایہناں تجربیاں توں تواڈا ایمان کیویں مضبوط ہوندا اے؟‏