ایہہ مہارت ضروری کیوں اے؟‏:‏بوہت سارے انھے لوک کسے اجنبی نال گل کرن توں ہچکچاندے نیں۔‏ ایس لئی ایہو جہے لوکاں نُوں گواہی دینا واقعی اِک مہارت اے۔‏ یہوواہ انھے لوکاں لئی بوہت فکر تے پیار وکھاندا اے۔‏ (‏احبار 19:‏14‏)‏ اَسی وی انھے لوکاں لئی فکر تے پیار وکھا کے یہوواہ دی مثال تے چل سکنے آں۔‏

تُسی کیہہ کر سکدے او؟‏:‏

• انھیاں نُوں لبھو۔‏ ‏(‏متی 10:‏11‏)‏کیہہ توانوں کسے ایہو جہے گھر دا پتہ اے جِتھے کوئی انھا رہندا اے؟‏ کیہہ تواڈے مُنادی دے علاقے چ کوئی ایہو جیہا سکول یاں اِدارہ ہے وے جِتھے انھے لوک ساڈیاں کتاباں تے رسالے پڑھنا چاہن گے؟‏

• اوہناں لئی فکر وکھاؤ۔‏ تواڈے دوستانہ رویے تے فکر وکھان دی وجہ توں انھے لوکاں دی مدد ہوئے گی کہ اوہ بغیر شرمائے تواڈے نال گل بات کر سکن۔‏ کسے ایہو جہے موضوع توں گل شروع کرو جدے بارے تواڈے علاقے دے لوک دلچسپی رکھدے نیں۔‏

• یہوواہ بارے سکھن چ مدد کرو۔‏ ساڈی تنظیم نے اوہناں لوکاں لئی فرق فرق قسم دِیاں کتاباں چھاپیاں نیں جیہڑ‌ے انھے نیں یاں جنہاں دی نظر بوہت کمزور اے۔‏ ایسے لوکاں کولوں پچھو کہ اوہ کیویں سکھنا چاہندے نیں۔‏ خدمتی نگہبان نُوں ایس گل دا دھیان رکھنا چاہی دا اے کہ جیس بھرا نُوں کتاباں منگوان دی ذمےداری دِتی گئی اے،‏ اوہ انھے لوکاں دی لوڑ مطابق کتاباں دی درخاست گھلے۔‏