•  خط چ اپنا پتہ لکھو۔‏ جے توانوں لگدا اے کہ توانوں اپنا پتہ نئیں دینا چاہی دا تے عبادت‌گاہ دا پتہ لکھ سکدے او پر ایہدے لئی توانوں پہلاں بزرگاں کولوں اجازت لینی پوے گی۔‏ پر کدی وی تنظیم دے دفتر دا پتہ استمال نہ کرو۔‏

•  جے توانوں اوس بندے دا ناں پتہ اے جنہوِں تُسی خط لکھ رہے او تے اوہدا ناں استمال کرو۔‏ ایہدے توں اوہ ایہہ نئیں سمجھے گا کہ ایہہ خط کسے شے دی مشہوری لئی گھلیا گیا اے۔‏

•  خط لکھدے ویلے ایس گل دا خاص دھیان رکھو کہ تواڈے لفظاں دے ہجے،‏ گرامر تے فقرے بالکل صحی ہون۔‏ خط ویکھن چ صاف‌ستھرا ہونا چاہی دا اے۔‏ جے خط ہتھ نال لکھیا اے تے فیر لکھائی اسانی نال پڑھی تے سمجھی جانی چاہی دی اے۔‏ خط نُوں بوہت زیادہ سنجیدہ یاں بوہت زیادہ ہاسےمذاق والے انداز چ نہ لکھو۔‏

نال دِتے گئے خط چ اُتے دَسیاں گئیاں ساریاں گلاں دا خیال رکھیا گیا اے۔‏ ایس خط دا مقصد ایہہ نئیں کہ تُسی اپنی کلیسیا دے علاقے چ کسے نُوں خط لکھدے ویلے ہر واری ایہو ای خط استمال کرو۔‏ تُسی اپنے خط نُوں ایہدے مقصد،‏ اپنے علاقے دے حالات تے رِیت‌رواج مطابق لکھ سکدے او۔‏