Hoseya 2:1-23
2 “Uzani azibale wanu kuti: ‘Ndimwe wanthu wangu.’*
Ndipo azilongosi wanu muwauze kuti: ‘Ndimwe akazi owonesewa chifundo.’*
2 Weruzani amayi wanu. Aweruzeni.
Ndawa iwo ni akazilini wangu ndipo inepano ndinelini mwamuna wawo.
Amayi wanu mwawo asiye uhule*Komasoti kuti asiye kuchita chigololo.*
3 Apo neye, niwavule kuti akhale pezi ninge ntsiku yomwe adabadwa.
Niwachitise kukhala ninge chipululu,Komasoti ninge dziko iribe madzi,Nkuwachitisa kuti afe na nyota.
4 Wana wawo nidzawachitirelini chifundo,Pakuti ni wana obadwa ndawa ya uhule.*
5 Ndawa amayi wawo achita uhule.*
Mayi yemwe adatenga mimba nkuwabereka achita vinthu vochitisa manyazi ndipo anena kuti,‘Nitewere amuna omwe anikonda maningeKomasoti omwe anipasa chakudya na madzi,Anipasa pomwe vovala va ukuse wa nkhosa, nguwo, mafuta na vakumwa.’
6 Manje nifunge njira yawo na mpanda wa minga.
Ndipo niwamangire mpanda wa minyalaKuti asowe popitira.
7 Mayi muyu adzathamangire amuna omukonda maninge mwawo, koma adzawagumanelini.
Adzawafagefage, koma adzawagumanelini.
Patsogolo pake adzanene kuti: ‘Nibwerere kwa mwamuna wangu woyamba,Ndawa vinthu vimbanifambira bwino panthawe mweire kusiyana na manjeuno.’
8 Iye alibe kuzindikira kuti ndine yemwe nimbamupasa mbewu, vinyu unyowani komasoti mafuta.
Alibe kuzindikira pomwe kuti ndine nimbamupasa siliva uzinji,Komasoti golide womwe wanthu ambamuphatisa basa potumikira Baala.
9 ‘Ndipomwapa nidzachungunuke nkutenga mbewu zangu panthawe yokolola.
Nidzatenge pomwe vinyu wangu unyowani panthawe yokonza vinyu.
Mayi muyu nidzamutengere pomwe vovala vangu va ukuse wa nkhosa komasoti nguwo zangu zomwe ambavala kuti aleke kuwonerewa.
10 Nidzamuvule kuti akhale pezi amuna omwe amukonda maninge mwawo ankuwona.
Ndipo palibe mwamuna yemwe adzamupulumuse m’manja mwangu.
11 Nidzamalise kukondwa kwake kose.
Nidzamalise vikondwerero vake, chikondwerero cha ntsiku zomwe mwezi unyowani wawoneka, cha masondo komasoti nthawe yake ya chikondwerero.
12 Nidzadzonge miti yake ya uva na ya nkuyu yomwe iye anena kuti:
“Mwaya ni malipiro yomwe amuna omwe anikonda maninge adanipasa.”
Koma inepano miti mwayo nidzayasanduse kukhala thengo yokosa,*Ndipo vilombo va ku thengo vidzaidye.
13 Nidzamuweruze ndawa ya ntsiku zomwe adapereka ntsembe kwa vifaniziro va Baala.
Pomwe ambavala mphete* na vinthu vinango vodzikhuzisira ndipo ambatewera amuna omukonda maninge.
Koma inepano adaniyebwa,’ wanena teno Yahova.
14 ‘Manje nidzamunyengerere,Nidzamuyendese kuchipululu,Ndipo nidzayankhule naye momufika pamoyo.
15 Kuyambira nthawe mwiyo kuyenda kutsogolo nidzamubwezere minda yake ya uva.
Nidzamupase pomwe chigwa cha Akori kuti chikhale ninge nsuwo wodikhirira.
Kumuko adzadawire ninge momwe ambadawirira akali mtsikana,Komasoti ninge pantsiku yomwe adabula mudziko ya Iguputo.’
16 Yahova wanena kuti,‘Pantsiku mwiyo adzanichemere kuti Mwamuna wangu ndipo adzanichemerelini pomwe kuti Ambuya wangu.*
17 Nidzamubvumizelini kutomola pomwe madzina ya vifaniziro va Baala,Ndipo madzina yawo adzayakumbukirelini pomwe.
18 Pantsiku mwiyo nidzapangane na vilombo va ku thengo m’malo mwa wanthu wangu,Komasoti na mbalani zombululuka m’dzulu na vinthu vokwawa padziko yapasi.
Nidzathyole uta na chibemba ndipo nidzamalise nkhondo mudziko mwiyo.
Ndipo nidzachitise kuti ambakhale mwantendere.
19 Nidzapolomise kukulowola kuti ukhale wangu mpakana kalekale.
Nidzapolomise kukulowola motewedza chilungamo,Komasoti ndawa ya chikondi chokhulupirika na chifundo changu.
20 Nidzapolomise kukulowola nkukhala wokhulupirikaNdipo udzamudziwedi Yahova.’
21 Yahova wanena kuti: ‘Pantsiku mwiyo nidzakudawire.
Nidzadawire vokumbira vakudzuluNdipo kudzulu muko kudzadawire vokumbira va dziko yapasi.
22 Manje dziko yapasi idzadawire mbewu, vinyu unyowani na mafuta,Ndipo vimwevi vidzadawire Yezereeli.*
23 Mayi moyu nidzamubzale ninge mbewu zangu padziko yapasi.
Nidzachitire chifundo yemwe alibe kuwonesewako chifundo.*
Ndipo nidzauze wanthu omwe ni wanthulini wangu kuti: “Ndimwe wanthu wangu,”*Iwo adzadawire kuti: “Imwepo ndimwe Mulungu wathu.”’”
Mawu ya m’nyantsi
^ Panango kuti: “chigololo.”
^ Muchiyankhulo choyambirira adati: “achose vochita vake vachigololo pakati pa masuku yake.”
^ Panango kuti: “chigololo.”
^ Panango kuti: “chigololo.”
^ Panango kuti: “thikita.”
^ Vingachitike pomwe kuti zenze mphete zovala pa mphuno panango kumatu.
^ Panango kuti: “Baala wangu.”
^ Kutanthauza kuti: “Mulungu adzabzale mbewu.”
