Amose 3:1-15

  • Kulengeza ntontholo wa chiweruzo wa Mulungu (1-8)

    • Mulungu adaulula chintsintsi chake (7)

  • Ntontholo wotsutsana na Samariya (9-15)

3  “Tetekerani mawu yomwe Yahova wanena pa nkhani ya Aizirayeli, mawu yonena va banja yose yomwe nidaibulisa mudziko ya Iguputo:  2  ‘Pa mabanja yose ya padziko yapasi, inepano nindodziwa imwepo basi. Ndipomwapa nidzakulangeni ndawa ya vinthu vose vomwe munkuphonya.  3  Ko wanthu awiri afamba pabodzi akanati kupangana kuti agumane?  4  Ko mphondolo ibangula mthengo ikanati kuphata nyama? Ko mphondolo yamphanvu ilira pamalo yomwe yakhala ikanati kuphata kalikose?  5  Ko mbalani ingakashiwe pamalo pomwe palibe kuteyewa chinthu? Ko msampha uvwapuka ukalibe kuphata kalikose?  6  Lupenga ya nyanga ya nkhosa ikalira muthaundi, ko wanthu anjenjemeralini? Ko tsoka ikagwa muthaundi, ni Yahovalini yemwe wachitisa?  7  Yahova, Ambuya Nkulu Maninge, angachitelini kalikoseAkalibe kuulula chintsintsi chake kwa aneneri, omwe ni atumiki wake.  8  Mphondolo yabangula! Ni mbani yemwe ankuchitalini mantha? Yahova, Ambuya Nkulu Maninge wayankhula! Ni mbani yemwe anenalini vakutsogolo?’  9  ‘Lengezani ivi pa ntsanja zolimba za ku Asidodi,Na pa ntsanja zolimba za mudziko ya Iguputo. “Sonkhanani pabodzi kuti mumenyane na mapiri ya ku Samariya. Onani momwe vinthu vinkusokonezekera muthaundi mweyi,Ndipo onani pomwe vinthu viribe chilungamo vinkuchitika muthaundi mweyi. 10  Ndawa adziwalini kuchita vinthu vachilungamo,” wanena teno Yahova,“Iwo adzadza nyumba na ntsanja zawo zolimba na vinthu vomwe adachita kupamba mwankhanza.”’ 11  Ndipomwapa Yahova, Ambuya Nkulu Maninge, wanena kuti,‘Mzondi adzazungulire dziko yose,Iye adzakufokese,Ndipo adzatenge vinthu mu ntsanja zako zolimba.’ 12  Yahova wanena kuti,‘Ninge momwe nyakabusa apulumusira minyendo yawiri ya chipfuwo panango kapitsi ka dzitu nkamwa mwa mphondolo,Ndimo mwati adzapulumukirembo Aizirayeli,Omwe ankukhala pa mipando yapadzulu* na kugona pa mibedi yokhuza ku Samariya.’ 13  ‘Tetekerani ndipo muchenjeze* nyumba ya Yakobo,’ wanena teno Yahova, Ambuya Nkulu Maninge, Mulungu wa magulu yankhondo yakudzulu. 14  ‘Pantsiku yomwe nidzalange Aizirayeli ndawa ya kunisatukira,Nidzalange pomwe maguwa ya ntsembe ya ku Beteli. Nyanga za guwa ya ntsembe zidzagwatiwe nkugwa pasi. 15  Nidzagwese nyumba yokhalamo nthawe yozizira na nyumba yokhalamo nthawe yakupsa.’ ‘Nyumba za minyanga ya nzowu zidzagwe. Ndipo nyumba zikuluzikulu* zidzadzongewe,’ wanena teno Yahova.”

Mawu ya m’nyantsi

^ Panango kuti: “pamipando yokhala ninge m’bedi wa ku Damasiko.”
^ Panango kuti: “muchitire umboni wotsutsa.”
^ Mabaibolo yanango yanena kuti: “zizinji.”

Bukhu mweyi niyotetezewa na ufulu wa zamalamulo