Hast du daut jewist?
Met waut vonne Sort Pieetsfoatich fua de ätiopischa Huachaunjestalda, aus Filippus am auntroff?
DAUT griechische Wuat, waut en de Niee-Welt-Äwasatunk met “Woagen” äwasat es, kaun fa irjenteen Pieetsfoatich jebrukt woaren (Apj. 8:28-29, 38). Oba daut späat sikj soo, daut de ätiopischa Huachaunjestalda met een jratret Pieetsfoatich fua, aus waut se fa dän Kjrich ooda fa eenen Rees brukten. See wie mol, wuarom wie daut sajen kjennen.
De ätiopischa Maun wia een Huachaunjestalda, waut von wiet auf kjeem. Hee wia eena, waut Macht haud un wia een Helpa von Kandake, de Kjennijin von Ätiopien; hee wia äwa aul äare wieetvolle Sachen aunjestalt (Apj. 8:27). En daut Ätiopien von de Bibeltiet es daut vondoagsche Launt Sudan met en un uk daut Poat, waut nu gaunz em Sieden en Ägipten es. Daut es goot mäajlich, daut hee siene gaunze Reis nich bloos met dautselwje Pieetsfoatich muak, oba secha haud hee een deel Sachen met, waut hee brukt. Eenje von de Pieetsfoatieja, waut se en de Tiet von de ieeschte Christen brukten toom Menschen fieren, hauden vea Räda un een Tap. Daut Buak Acts—An Exegetical Commentary sajcht, “daut dise Sort Pieetsfoatieja mea Rum hauden toom Sachen metnämen un uk makelja wieren un veleicht lenjre Reisen moaken kunnen”.
De ätiopischa Huachaunjestalda läsd, aus Filippus am auntroff. Daut sajcht en Aposteljeschicht 8:30: “Fili̱ppus rand biesied dän un hieed daut, daut dee opp ludes de Schreften von dän Profeet Jesa̱ja lauss”. Wäajen dee langsom fua, kunn de Huachaunjestalda doa läsen un Filippus kunn am tofoot nokomen. Dit wia mäajlich, wäajen dise Pieetsfoatieja nich doafäa jemoakt wieren, daut dee sea bosich foaren kunnen.
De ätiopischa Huachaunjestalda “kroagd . . . Fili̱ppus oppem Woagen nopp, daut dee sikj sull bie am dolsaten” (Apj. 8:31). En een jeweeneljet Pieetsfoatich, waut se brukten toom reessen, wia daut soo, daut de Foara stonen must. Oba en een Pieetsfoatich, waut se brukten toom reisen, wia eene Sett, wua de Huachaunjestalda un Filippus setten kunnen.
Wäajen daut, waut de Bibel en Aposteljeschicht, Kapitel 8 sajcht un daut, waut de Forscha utjefungen haben, wiesen onse Bieekja nu enne latste Tiet, daut de ätiopischa Huachaunjestalda met een jratret Pieetsfoatich fua, aus soone, waut em Kjrich ooda bie eenen Rees jebrukt worden.
