Киристон ка исуй, уӕхӕн уоститӕ хуӕрзӕгъдау ке фӕуунцӕ, уой фӕрци арӕх сӕ лӕгтӕн банхус кӕнунцӕ рӕстдзийнадӕмӕ се ’ргом раздахун. Фал хатгай уомӕ берӕ ӕнзти дӕргъи фӕгъгъӕуй ӕнгъӕлмӕ кӕсун ӕма аллихузи зинтӕн бухсун (1Пт 2:21–23; 3:1, 2). Кӕд дӕ цардӕмбалӕй ӕфхуӕрд ӕййафис, уӕддӕр идарддӕр дӕр архайӕ, цӕмӕй лӕгъуздзийнадӕбӕл хуарздзийнадӕй уӕлахез кӕнай (Ро 12:21). Дӕ хуарз гъуддӕгтӕн цийфӕнди дзурдтӕй дӕр фулдӕр хъаурӕ ес.

Архайӕ, цӕмӕй уавӕрмӕ дӕ цардӕмбали цӕстӕй кӕсай (Фп 2:3, 4). Уо лӕдӕргӕ ӕма тӕрегъӕдгӕнагӕ, удта ӕгас хъауритӕй архайӕ, цӕмӕй дӕбӕл ци ихӕстӕ ес, уони, куд ӕмбӕлуй, уотӕ ӕнхӕст кӕнай. Лӕмбунӕг игъосун зонӕ (Иак 1:19). Фӕразон уо ӕма ин дзорӕ, уарзгӕ ’й ке кӕнис. Фал дӕмӕ дӕ цардӕмбал хӕларзӕрдӕ ку нӕ уа ӕма дӕ ку нӕ нимайа, уӕддӕр ӕй зонӕ, Йеговӕ дин дӕ еузӕрдондзийнадӕ уинуй ӕма ин аргъ кӕнуй (1Пт 2:19, 20).

БАКӔСӔ ВИДЕОРОЛИКМӔ «ЙЕГЪОВӔ НЫН НӔ УАРГЪ ХӔССЫНӔН ӔХХУЫС КӔНЫ» ӔМА АЦИ ФАРСТАТӔБӔЛ ДЗУӔППИТӔ РАТТӔ:

• Грейс Ли киндзи ку ’рцудӕй, уӕд ӕ цард цӕхуӕн адтӕй?

• Библий рӕстдзийнадӕ ӕ зӕрдӕмӕ цӕмӕ райста?

• Донаргъуди фӕсте ци зиндзийнӕдтӕбӕл ӕмбалдӕй, уони сӕрти цӕй фӕрци рахезидӕ?

• Ӕ сӕрихецауи туххӕй Йеговӕмӕ куд кувта?

• Хуӕрӕ Ли ӕ хуӕрзӕгъдаудзийнади фӕрци ӕма ӕ сӕрихецауи ке нимадта, уой фӕрци цӕхуӕн арфӕдзийнӕдтӕй исхайгин ӕй?