Брошюрӕ «Абони зӕнхӕбӕл Йегови фӕндон ка ӕнхӕст кӕнуй?» рауагътонцӕ, цӕмӕй ибӕл ахуркӕнуйнаги хӕццӕ радзубанди кӕнӕн ахури райдайӕни кенӕ ахури фӕсте *. 1–4 сӕргӕндтӕй ахуркӕнуйнаг хуӕздӕр базондзӕй ка ан, уой; 5–14 сӕргӕндтӕй базондзӕй ци косӕн ӕма 15–28 сӕргӕндти фӕууиндзӕй нӕ организаци куд архайуй, уой. Хуӕздӕр уодзӕй сӕргӕндтӕ еу инней фӕдбӕл ку цӕуайтӕ, уӕд, фал ахуркӕнуйнаги ку фӕндӕуа ести ӕхсидзгӕ фарстабӕл дзуапп базонун, уӕд ибӕл уӕ бон ӕй радзубанди кӕнун. Алли сӕргонд дӕр ӕй еу фарсбӕл ӕма ибӕл ахуркӕнуйнаги хӕццӕ радзубанди кӕнӕн ес фондз кенӕ дӕс минуттей дӕргъи.

• Ӕ гъос ин ӕрдарӕ, сӕргонди ци фарста ес, уомӕ

• Ӕрмӕг еумӕ бакӕсетӕ, ӕгасӕйдӕр кенӕ ба абзацгай

• Ци бакастайтӕ, уобӕл радзубанди кӕнтӕ. Пайда кӕнтӕ алли фарсбӕл бунӕй ци фарстатӕ ес, уонӕй, удта хузтӕй дӕр. Ци Библий стихтӕ си ес, уони дӕр бакӕсетӕ, ӕма сӕбӕл радзубанди кӕнтӕ. Дӕ гъос ӕрдарӕ, ставддӕрӕй финст дӕлсӕргӕндтӕ сӕргондӕн дзуапп куд дӕттунцӕ, уомӕ

• Кӕд си ес рамкӕ «Фулдӕр базонӕ», уӕд ӕй еумӕ бакӕсетӕ ӕма ахуркӕнуйнаги баразӕнгард кӕнӕ, цӕмӕй си куд финст ес, уотӕ байархайа