Ko e Ongoongo Lelei ʻo Fakatatau kia Sīsū
Ako lahi ange fekauʻaki mo Sīsū Kalaisi, ko e ʻAlo ʻo e ʻOtuá mo e Fakamoʻui ʻo e faʻahinga ʻa e tangatá, ʻi he vitiō fakaueʻiloto ko ení.
Ko e Ongoongo Lelei ʻo Fakatatau kia Sīsū—Fakanounou ʻo e Vitiō Hokohokó
Sio ki he ngaahi meʻa naʻe hoko ʻi he Ngaahi Kōsipelí ʻo fekauʻaki mo Sīsū Kalaisi ʻi he vitiō hokohoko ko ení.
Konga 1: Ko e Maama Moʻoni ʻo e Māmaní
ʻE lava fēfē ke fakahaofi ʻa e faʻahinga ʻo e tangatá mei he angahala naʻe fakatupunga ʻe ʻĀtamá? Ko e Mīsaiá ʻa e ʻamanakiʻanga pē ʻe taha ʻa e faʻahinga ʻo e tangatá.
Konga 2: “Ko Hoku ʻAló Eni”
ʻOku teuteu ʻe Sione Papitaiso ʻa e halá ki he Mīsaiá. Sio ki he ngaahi meʻa fakaofo ʻokú ne fakaʻilongaʻi ʻa e ngāue fakafaifekau ʻa Sīsū ʻi he māmaní!
Konga 3: “Ko Au Ia”
ʻOku fakahaaʻi ʻe Sīsū ʻa hono ngafa ko e Mīsaiá kia Nikotīmasi, ki ha fefine Samēlia, ki he kakai ʻo e kolo ko Nasaletí, ka ko e kakai loto-totonu toko siʻi pē naʻa nau tali iá. Ka ʻi he hili ʻene fakahoko ha mana naʻe liliu ai ʻa e moʻui ʻa e kau tangata toutai anga-fakatōkilaló, ʻokú ne fakaafeʻi kinautolu ke nau muimui ʻiate ia.
Konga 4: “Ko e ʻUhinga ʻEni Naʻá Ku Haʻu Aí”
ʻOku fakaeʻa ʻe Sīsū hono mālohí ʻi heʻene fakamoʻui ʻa e kakaí mo kapusi ʻa e fanga tēmeniō. Ka ko e niʻihi naʻa nau fakafepakiʻi ʻene ngāué pea faʻufaʻu ke tāmateʻi ia. Ka ʻi he ngaahi ngāue ʻo e manavaʻofa lahi mo e faiako pōtoʻi, naʻe ngāohi ākonga ʻa Sīsū mo fili ʻa e kau ʻapositolo ʻe toko 12.
Konga 5: “Naʻe Fakatumutumu ʻa e Fuʻu Kakaí ʻi Heʻene Founga Faiakó”
ʻI he hili hono fakamoʻui ʻe Sīsū ha fuʻu kakai tokolahi, ʻokú ne kamata akoʻi ʻa e kakaí ʻi ha founga naʻe ʻikai malava ʻe heʻenau kau faiakó ʻo fakahoko ki muʻa. Naʻa nau fakatumutumu ʻi heʻene founga faiakó fakataha mo e mafai naʻá ne maʻú, ko ʻene ngaahi talanoa fakatātaá mo e founga ke ngāueʻaki ai ia ʻi heʻenau moʻuí.
Konga 6: “Ko Koe ʻa e Tokotaha Naʻe Pehē ʻe Haʻú?”
Naʻe fakahāhā ʻe Sīsū ʻa hono mālohí ʻaki hono fokotuʻu hake ʻa e maté. ʻOku fakaeʻa ʻe heʻene ngaahi maná mo ʻene faiako pōtoʻí ʻa e ngaahi fakaueʻiloto ʻa e faʻahinga ʻoku fanongo kiate iá. Fakafou ʻi he ngaahi talanoa fakatātaá, ʻoku fakamatalaʻi ʻe Sīsū ʻa e ngaahi moʻoni mahuʻinga ʻo e Puleʻangá.
Ko e Ongoongo Lelei ʻo Fakatatau kia Sīsū—Vitiō Fakaʻaliʻali
Sio ki he fakaʻaliʻali ʻo e konga fakatoʻoaloto ko ení ʻa ia ʻokú ne fakamatalaʻi ʻa e ngaahi meʻa naʻe hoko ʻi he Ngaahi Kōsipelí.
