Jesús ju nunkanam penkera nuna turiniuyayi

Ju video najankamu iisam Yuusa uchiri Jesukristu aentsun uwemtikrartatna nunanu nukap nekaata.

Episodio 1: Yuusnan nekamtikiawartasa aents ajas akiniamiayi

Adanka tunaarijiai ashi tunaartin ainiaji. Itiurak uwemtikramu artaj? Aya Yuusa uchiri uwemtikrampramniaitji.

Episodio 2: Juka winia uchiruiti

Imiakratin Juan Yuusa anaikiamuri tatin asamtai warina turamia nu nekaata. Tura Jesús imiani yama etserta juarki warinia turamia nusha nekaata.

Episodio 3: “Nuka witjiai”

Yuusa anaikiamurinti tu enentaimsarat tusa Jesuska Nicodemon, Samarianmaya nuwan tura Nazaretnumiancha jintintiawarmiayi. Warumchik Yuusa anaikiamurinti tu enentaimsarmiayi. Tura Jesuska aentscha najanachminia najana namaka achin ainian nankaamaku enentaimcha asarmatai winia nemartustarum timiayi.

Episodio 4: “Nuna tarimjiai”

Jesús ti kakaram asa jainian tsuamiayi tura iwianch enkemtuancha jiir akupmiayi. Chikichkia Jesusan kajerainiak maatai tusar chichaman najatawarmiayi. Aitkiainiakiuisha Jesuska waitnenkratin tura penker jintinkratin asamtai aentska nemarsatniun iniaicharmiayi nuya Jesús 12 aentsun apóstol arat tusa anairamiayi.

Episodio 5: Ti penker jintinkrateawai tusar anturiarmiayi

Untsuri aents jaa pujuinian Jesús tsuar amik chikich unuikiartinjaisha nankaamas ti penker unuiniatan juarkimiayi. Yuus akupkamu asa itiurkatniuitrum tusa apatak aujmatas jintimiayi. Tuma asamtai aentska ti penker jintinkrateawai tu enentaimtiarmiayi.

Episodio 6: Tatiniuya nukaitiam?

Jesús Yuusa kakarmarijiai aentscha najanachminian najankui tura Yuusna jintinkratkui nekas tawai tausha kajerainiasha irunmiayi. Yuus akupkattana nu chicham etserkatin junisaiti tusa warijiainsha apatak jintinkratmiayi.