I viața le Isusoschi pi phuv hai leschi buchi anda o Del
Prinjianen mai mișto le Isus Cristosos, o Șiav le Devlesco hai o Salvatorii la lumeaco, ande cadai șucar seria de materiale video.
I viața le Isusoschi pi phuv hai leschi buchi anda o Del – So arachel-pe ande cadai seria
Dich sar astaren viața le evanghelii ande cadal șucar video anda o Isus Cristos.
Iechto cotor: I ciaci lumina la lumeachi
Sar va avena salvime le manușa anda o păcato cai andea-les o Adam andi lumea? O Mesia si i corcori speranța le manușenghi.
Duito cotor: „Cado si mânro Șiavo”
O Ioan o Botezătorii lașiarel o drom angla o Mesia. Dich le bare buchia prin save o Isus astarel peschi buchi pi phuv anda o Del!
Trinto cotor: ‘Me som codo’
O Isus sicavel că vo silo o Mesia le Nicodimosche, la jiuvleache samariteano hai le manușenghe cai beșen ando Nazareto. Tha, numai chichiva manușa le ilesa ujo pachian ande leste. Pala so cherel iech baro miracolo, vo acharel manușen umilo cai astaren mașe te jian pala leste.
Ștar-to cotor: „Anda codoia avilem”
O Isus sicavel pesco zuralimos te sastiarel le manușen hai te încalavel avri benga. Tha chichiva jene așen contra i buchi cai cherel-la hai roden vareso caște mudaren-les. O Isus sicavel lașimos le coaverenghe anda codoia că si lesche mila lendar hai sicavel le manușen mișto. Vo cherel discipoli hai alosarel pesche 12 apostoli.
Panji-to cotor: „Așile uimime cana dichle sar sicavelas-len”
Pala so sastiarel bute manușen, o Isus astarel te sicavel-len cadea sar niciech mașcar lenghe sicaitori ci mai cărde-la vroiechdata. Le manușa așile umime cana dichle că vo delas duma zuralimasa, folosilas pilde hai că sicavelas-len sar te train penghi viața pala o Lil le Devlesco.
Șov-to cotor: „Tu san Codo cai trebul te avel?”
O Isus sicavel că siles zuralimos te uștiavel le mulen. Le miracolea cai cărdea-len hai lesche bare sicaimata sicaven so si ando ilo codolengo cai așunen-les. Vo folosil pilde caște sicavel le manușen bare ciacimata anda o Regato.
I viața le Isusoschi pi phuv hai leschi buchi anda o Del – So va dichena ando filmo
Dich o harno materialo video anda so va dichena andel cotora anda o filmo, ande save le Evanghelii astaren viața.
