Ata Etip Eyi Jisọs Olookbe
Kween̄ mkpọ ofolek Jisọs Karais, Gwun̄ Awaji mè Ogwu Unyan̄a ebilene gbaalek me emen ogbọọn̄ fidio chi.
Eyi 1: Ata Utoon̄ eyi Linyọn̄ Keyi
Ire ike owa ke ebesa inyan̄a bọn ebilene isan̄a me ubọk ijo inu eyi Adam osabe inu ni? Ire Ogwu Mesaya gaalek obokọt inyan̄a bọn̄ ebilene.
Eyi 2: “Ogwugwu Ore Gwun̄ N̄a Enerieen̄”
Jọn Ogwu Okitap Ene me Mun̄ ineen̄ oniin̄ isun̄ iban inunu Ogwu Mesaya. Kpọ-nu usini uyeke uyeke inu echi orọrọ me mbene ikwaan̄ kè Jisọs me inyọn̄ ijon̄ yi!
Eyi 3: “Emi Nre Ene Ya”
Jisọs ijeen̄ Nikodimọs, ogwu enenwaan̄ Sameria, mè ebi ama Najeret ibe ke ire ọmọ ore Ogwu Mesaya. Ire, ire ene inen mè inen ebi ikakaan̄ ata ejit gaalek echieek me lek kan̄. Eyi irọbe ikwaan̄ ukechieen̄ ge okukup uyeke uyeke, Jisọs igwen ebi mbom irin ibe enere ebi udun̄ kan̄.
Eyi 4: “Îre Mije Keyi Ke Nnu Linyọn̄”
Jisọs ijeen̄ unye ikaan̄be isasa igwa ebi ene mè isasa ilap ebi ijo ekwukwu. Ire, usini ene mikeke ikeme ọmọ mè itọt ikpakpan̄ ọmọ. Sa me ikekijeen̄ ebi ene njijin mè ata ubọk isasa ijeen̄ mkpọ, Jisọs irọ ene ebi udun̄ kan̄ mè igọbo ebi akọp mè ebi otuchieen̄ iba.
Eyi 5: ‘Ijejeen̄ Kan̄ Okeke Ema Chieen̄ Enenen’
Me mgbọ igwabe owuwa ebi ene isan̄a, Jisọs ibene ikijeen̄ ebi ene mkpọ me oniin̄ kpunu ogwu ijejeen̄ kiban̄ geege owuwuuk lek ijeen̄. Unye ikaan̄be, inu ntọt me lek ikisa irọ mkpọ, mè ubọk ikisa ikpa ike ebekisa itap inu cha me ikwaan̄, ike otutuuk kiban̄ chieen̄ enenen.
Eyi 6: “Ìre Owu Ore Ogwu Òbonunu Ya?”
Jisọs ijeen̄ unye ikaan̄be isasa ijomo ebi ikwakwaan̄. Ikwaan̄ ukechieen̄ ikirọ, mè ijejeen̄ kan̄ okire ene ejit, ikikpọk mbum inu okup me ejit ebi ikigban̄ ọmọ. Jisọs isa inu ntọt me lek isa ikpa usini mkpọ ofolek Ama Ubọọn̄ Awaji iwele.
