Ekumi ni Nteko Woolaleerya wa Yeesu Ari Valaponi
Nhudhe ni iviidiyu idha dhoohakalaliha itthu dhikina voohima dha Yeesu Kiriistu, Mwaana a Muluku ni Moopoli a apinaatamu.
Mphantta 1: Nthuko Weekhweeli wa Moolumwinkuni
An’ya okhala dhai apinatamu aranve etampi eruuhiwe ni Adamu? Mesiya tori nlipelelo pahi para apinaatamu.
Mphantta 2: “Ola Mwanaka”
Yoohaani onnikocihera ephuro para Mesiya. Moone dhawiiraneya dhootikiniha inoonihera woopacerani wa nteko woolaleerya wa Yeesu valaponi!
Mphantta 3: “Ti Miyo”
Yeesu onninleela Nikodeemu, nthiyana Nsamariya ni atthu akina a oNazareeti yoothanleliwa-ye nkhama Mesiya, masi atthu vakhaani pahi ooreera nrima tiyaankhupanli. Nuumala opaka mwiirirya ole wootikiniha wa ociiwa ihoopa dhawaatta, owo ahalaleya anamaciya awiiyeviha wiira ekhale atthareli-ye.
Mphantta 4: ‘Ti Yeelo Kireenle Aka’
Yeesu ohoonihera wiira ookhalana owerya aapenusaka atthu yaawereiwa ni aikaaraka minepa dhootakhala. Masi atthu akina dhaanaanara itthu aapaka iye ni yaahiwanana omwiipha. Awoonelaka othunku ni waahudhiha mwa enamuna yookweya wiiwasasa, Yeesu aahaapaka ahudheri ni aahaathanla arummwa-ye 12.
Mphantta 5: ‘Waahitikiniheya Vawaatta ni Moopora Owo Aahudhiha Iye’
Nuumala waapenusa atthu awaatta, Yeesu aahipacera waahudhiha atthu mwa enamuna yahaatanka awa ohudhihiwa ni ahudhihi-ya. Owerya-we, malikanyiho-ye ni moopora itthu aahudhiha iye dhaavareleya awa nteko mweekumini wa ale yaanwiriyana, dhahiiwiiriha otikiniheya.
Mphantta 6: ‘Niire Nyuwo mwa Kriistu Yoole Nininlipelela Nhu?’
Yeesu onnoonihera wiira ookhalana owerya wa waahihimusa atthu yaale akhwiye. Miiriirya aapaka iye ni ohudhiha-we ni akhili waaniphara mirima dha atthu yaale yaanwiriyana. Arumeelaka malikanyiho, Yeesu aanileeliha ittthu dhawiisera voohima dha Omwene.
